redi-
Anëtar i Respektuar
Veriu i vendit eshte izoluar pas reshjeve te dendura te debores qe nisen mbremjen e se enjtes. 18 komuna ne qarkun e Kukesit nuk mund te lidhen me rruget nacionale per shkak te trashesise se debores qe shkon mbi 70 cm. Sipas policise se Kukesit aktualisht jane te pakalueshme edhe rruget kombetare Kukes-Krume e Kukes-Peshkopi. Bllokime te herepashershme ka pasur edhe ne aksin Bajram Curri-Qafe Mali, ndersa rruga e vjeter Kukes-Tirane eshte e kalueshme me veshtiresi dhe vetem me zinxhire. Si pasoje e motit te keq, jane keputur edhe linjat e tensionit te larte duke lene ne erresire banoret e komunave te Shishtavecit, Fajzes si dhe te disa fshatrave ne komunat Kalis dhe Arren. Ne Prosek te Mirdites mesohet se jane bllokuar per disa ore 35 femije, pasi furgonet qe i transportonin ata ne shkolle ishin te papajisur me zinxhire. Edhe ne Diber jane bllokuar nga debora kater komuna te thella. Mjaft probleme reshjet kane krijuar edhe ne zonat malore te qarkut te Shkodres. Pjesa me e madhe e rrugeve te fshatrave ne Malesi te Madhe jane te bllokuara duke lene ne izolim rreth 3 mije banore. Situata me e renduar eshte ne komunen e Vermoshit dhe Shkrelit ku mungon sherbimi shendetesor e sinjali telefonik, per te njoftuar raste emergjencash. Drejtues te komunes pohojne se nuk kane mjete e fonde per marrjen e borëpastrueseve per hapjen e rrugeve.