Tragjedi në liqenin e Ohrit. Fundoset anija, mbyten 22 turistë bullgarë
22 turistë kanë humbur jetën pas fundosjes së anijes turistike “Ilinden” në ujërat e Liqenit të Ohrit në pjesën e Maqedonsë. Informatat e para flasin se bëhet fjalë për turistë bullgarë, kurse në mesin e turistëve të pësuar nuk ka asnjë shtetas nga Shqipëria.
Anija është fundosur në afësri të kampit Eleshac, 200-300 metra larg bregut të liqenit. Policia ka njoftuar se ekipet e shpëtimit kanë nxjerrë trupat e pajetë të 15 turistëve. Zëdhënësi i policisë Ivo Kotevski ka njoftuar se katër nga turistët e shpëtuar në gjendje kritike janë transferuar në spitalin e Ohrit.
Informatat e para flasin se në anije ka pasë trefish më tepër turistë nga maksimumi i lejuar, mirëpo policia nuk mundet të konfirmojë nëse ky ka qenë shkaku për fundosjen e anijes, apo ndonjë defect teknik. Policia është duke kontrolluar incizimet satelitore të marra nga misioni EULEX, për të mësuar numrin e saktë të turistëve që kanë qenë në anije.
Pas aksidentit të ndodhur, kryeministri bullgar Bojko Borisov ka vendosur lidhje të drejpërdrejtë me kryeministrin e Maqedonisë Nikolla Gruevski, për tu informuar për gjendjen e turistëve. Pritet që turistët e shpëtuar në afat sa më të shkurtër me linjë ajrore të transferohen në Sofje.
klan.tv