polisi_tajrush
Struga zemra Ilirides
Tre urdhra për mbrojtje të menjëhershme janë firmosur të enjten nga policia e Tiranës, për shkak të dhunës në familje. E para që kishte kërkuar mbrojtje ishte dibrania 78-vjeçare Razie Malaj.
E moshuara akuzonte të birin, Besnik Malaj, 53 vjeç se e kërcënonte duke ushtruar sistematikisht dhunë psikologjike ndaj saj. Me të marrë kallëzimin përkatës, oficeri i policimit në komunitet i komisariatit numër 4 të policisë, Haxhi Tufa, ka plotësuar kërkesë-padinë për marrjen në mbrojtje të menjëhershme të të moshuarës. Kjo e fundit ka pretenduar se i biri i bënte presione psikologjike për shkak të debateve që kishin mes tyre. Ndërkohë, një 19-vjeçare ka denoncuar në Komisariatin numër 6 të Policisë së Tiranës vjehrrën, se kishte ushtruar dhunë fizike dhe psikologjike ndaj saj. Marsilda Maknori, ka kërkuar mbrojtjen e menjëhershme nga policia për shkak të kërcënimeve të vazhdueshme që i vinin nga vjehrra. Esma Kurteshi, 50 vjeçe, mësohet se kishte probleme me të renë, dhe këto shpesh ktheheshin në motiv për grindje mes tyre. Edhe në rastin e Maknorit policia ka firmosur kërkesë-padinë për mbrojtje të menjëhershme nga gjykata. Po në Komisariatin numër 6 të Policisë së Tiranës ka mbërritur të enjten denoncimi i 24-vjeçares Marjeta Osmani, për babanë e saj Nderin Osmani 51 vjeç. Marjeta akuzonte të atin se ndërhynte në privatësinë e saj dhe se ushtronte në mënyrë sistematike dhunë fizike dhe psikologjike ndaj saj. Oficerët e policisë gjyqësore të komisariatit, kanë plotësuar edhe për Marjetën kërkesë-padinë për mbrojtje të menjëhershme. Brenda dy javëve, për të treja rastet pritet që gjykata e faktit të shprehet nëse do e marrë parasysh dhe do miratojë kërkesat për mbrojtje të menjëhershme të të moshuarës që kërcënohej nga i biri, të nuses që e rrihte vjehrra dhe të vajzës që e keqtrajtonte i ati./shqipmedia/
E moshuara akuzonte të birin, Besnik Malaj, 53 vjeç se e kërcënonte duke ushtruar sistematikisht dhunë psikologjike ndaj saj. Me të marrë kallëzimin përkatës, oficeri i policimit në komunitet i komisariatit numër 4 të policisë, Haxhi Tufa, ka plotësuar kërkesë-padinë për marrjen në mbrojtje të menjëhershme të të moshuarës. Kjo e fundit ka pretenduar se i biri i bënte presione psikologjike për shkak të debateve që kishin mes tyre. Ndërkohë, një 19-vjeçare ka denoncuar në Komisariatin numër 6 të Policisë së Tiranës vjehrrën, se kishte ushtruar dhunë fizike dhe psikologjike ndaj saj. Marsilda Maknori, ka kërkuar mbrojtjen e menjëhershme nga policia për shkak të kërcënimeve të vazhdueshme që i vinin nga vjehrra. Esma Kurteshi, 50 vjeçe, mësohet se kishte probleme me të renë, dhe këto shpesh ktheheshin në motiv për grindje mes tyre. Edhe në rastin e Maknorit policia ka firmosur kërkesë-padinë për mbrojtje të menjëhershme nga gjykata. Po në Komisariatin numër 6 të Policisë së Tiranës ka mbërritur të enjten denoncimi i 24-vjeçares Marjeta Osmani, për babanë e saj Nderin Osmani 51 vjeç. Marjeta akuzonte të atin se ndërhynte në privatësinë e saj dhe se ushtronte në mënyrë sistematike dhunë fizike dhe psikologjike ndaj saj. Oficerët e policisë gjyqësore të komisariatit, kanë plotësuar edhe për Marjetën kërkesë-padinë për mbrojtje të menjëhershme. Brenda dy javëve, për të treja rastet pritet që gjykata e faktit të shprehet nëse do e marrë parasysh dhe do miratojë kërkesat për mbrojtje të menjëhershme të të moshuarës që kërcënohej nga i biri, të nuses që e rrihte vjehrra dhe të vajzës që e keqtrajtonte i ati./shqipmedia/
