Nuk pranon të kullosë bagëtinë, vret veten 13 vjeçari
Një 13 vjeçar nga fshati Corrush i Mallakastrës është vetëvarur pas një grindje me prindërit. I mituri A.G nuk pranonte që të kulloste bagëtinë. Të hënën në mëngjes, ndërsa ishte nisur për në shkollë, ai ka devijuar dhe ka shkuar në një pemë ku është vetëvarur. Klithmat e tij kanë alarmuar njerëzit, por ka qenë e pamundur t’i vijnë në ndihmë. Të afërmit thonë se ai ishte një fëmijë i sjellshëm, i urtë dhe që nuk bënte fjalë me njeri.
Dhunon me grushta bashkëshorten shtatzënë në mes të maternitetit
Personat e pranishëm dje në maternitetin Koço Gliozheni kanë mbetur të shokuar pasi një person i dehur ka hyrë në njërën nga sallat dhe ka dhunuar barbarisht të shoqen shtatzënë duke e goditur me grushte në bark. Personeli ka arritur të largojë me shumë vështirësi Eduard Islamajn, i cili dhunoi të shoqen, Aida Islamaj, me të cilën kishte dhe një djalë. Gruaja ka deklaruar në prokurori se ai e dhunonte vazhdimisht, ndërkohë që edhe vetë Eduardi ka pranuar se e ka goditur atë. Gjykata ka lëshuar urdhër mbrojtje për gruan.
Donin të njëjtin djalë, i japin fund jetës dy motrat adoleshente
Gazeta Shekulli sjell rastin e dy motrave të mitura, të cilat janë helmuar me fostoksinë për shkak se donin të njëjtin djalë. Dy adoleshentet kanë arritur me vonesë në spital dhe mjekët nuk mund t’u shpëtonin jetën. Mjekët kujtojnë me dhimbje reagimin e babait që lutej t’i shpëtonin vajzat.
TemA