sweetzzinna
Dum spiro, spero くる
Tonifikimi i lëkurës
Nëse qumështi pastrues (detergjent) është një prelud i domosdoshëm për një trajtim të mirë kozmetik, tonifikimi është patjetër një përbërës i pazëvendësueshëm.Tonikët janë aleatët më të lashtë të bukurisë femërore: ujërat e distiluar nga petalet e trëndafilit dhe nga lulet e portokallit, përgjatë shekujve të kaluar, u kanë dhënë gjallëri e shkëlqim fytyrave të damave të epokës. Të tonifikosh lëkurën do të thotë të nxisësh dhe riaktivizosh qarkullimin dhe tonin e muskujve. Ky efekt mund të merret me anë të lëngjeve, të quajtur tonikë, që kanë një veprim rifreskues, zbutës, ëmbëltues, pastrues, nxitës, tkurrës, qetësues, rigjallërues dhe antiseptik.
Ka tonikë dhe losione alkoolikë, që përmbajnë doza të ndryshme të alkoolit etilik deri në masën 50%, ose jo alkoolikë; përveç përbërjes së tyre, formula e tyre përbëhet nga lëndë aromatike të holluara dhe në masë shumë të vogël nga ngjyrues. Ka gjithashtu edhe tonikë të përbërë nga ujë i distiluar me aromë trëndafili, kamomili, qoftë me përmbajtje alkoolike, po edhe pa të. Në të gjitha losionet ose ujërat tonike, ka një pjesë uji të ç’mineralizuar ose të distiluar; produktet më të sofistikuara kanë ujë të distiluar dhe aromatik.
Alkooli i përdorur në tonik shërben për ruajtjen e tij, për të ndihmuar shkrirjen dhe përthithjen e përbërësit të aromatizuar; përveç kësaj, shkakton dhe një efekt freskues. Në lëkurat delikate dhe të ndjeshme përdoret një tonik pa alkool, te lëkurat e yndyrshme dhe të papastra një produkt hipoalkoolik dhe ndonjëherë, edhe hiperalkoolik. Pothuajse të gjithë tonikët kanë një reaksion acid mes 4 dhe 6, që shkaktohet nga prania e ekstrakteve bimore ose të ujit në produkt. Mes lëndëve përbërëse të tonikut ka edhe shumë ekstrakte bimësh që kanë një funksion në lëkurën tonë dhe që e bëjnë produktin specifik për një tip dhe jo për një tjetër. Tonikët duhen përdorur në lëkurë të pastruar me kujdes, të përdorur me një shuk pambuku me lëvizje të njëtrajtshme dhe të ngadalta, nga poshtë lart. Pas pastrimit të lëkurës, tonifikimi i saj përbën plotësimin e veprimit të qumështit detergjent. /Telegrafi/
Nëse qumështi pastrues (detergjent) është një prelud i domosdoshëm për një trajtim të mirë kozmetik, tonifikimi është patjetër një përbërës i pazëvendësueshëm.Tonikët janë aleatët më të lashtë të bukurisë femërore: ujërat e distiluar nga petalet e trëndafilit dhe nga lulet e portokallit, përgjatë shekujve të kaluar, u kanë dhënë gjallëri e shkëlqim fytyrave të damave të epokës. Të tonifikosh lëkurën do të thotë të nxisësh dhe riaktivizosh qarkullimin dhe tonin e muskujve. Ky efekt mund të merret me anë të lëngjeve, të quajtur tonikë, që kanë një veprim rifreskues, zbutës, ëmbëltues, pastrues, nxitës, tkurrës, qetësues, rigjallërues dhe antiseptik.
Ka tonikë dhe losione alkoolikë, që përmbajnë doza të ndryshme të alkoolit etilik deri në masën 50%, ose jo alkoolikë; përveç përbërjes së tyre, formula e tyre përbëhet nga lëndë aromatike të holluara dhe në masë shumë të vogël nga ngjyrues. Ka gjithashtu edhe tonikë të përbërë nga ujë i distiluar me aromë trëndafili, kamomili, qoftë me përmbajtje alkoolike, po edhe pa të. Në të gjitha losionet ose ujërat tonike, ka një pjesë uji të ç’mineralizuar ose të distiluar; produktet më të sofistikuara kanë ujë të distiluar dhe aromatik.
Alkooli i përdorur në tonik shërben për ruajtjen e tij, për të ndihmuar shkrirjen dhe përthithjen e përbërësit të aromatizuar; përveç kësaj, shkakton dhe një efekt freskues. Në lëkurat delikate dhe të ndjeshme përdoret një tonik pa alkool, te lëkurat e yndyrshme dhe të papastra një produkt hipoalkoolik dhe ndonjëherë, edhe hiperalkoolik. Pothuajse të gjithë tonikët kanë një reaksion acid mes 4 dhe 6, që shkaktohet nga prania e ekstrakteve bimore ose të ujit në produkt. Mes lëndëve përbërëse të tonikut ka edhe shumë ekstrakte bimësh që kanë një funksion në lëkurën tonë dhe që e bëjnë produktin specifik për një tip dhe jo për një tjetër. Tonikët duhen përdorur në lëkurë të pastruar me kujdes, të përdorur me një shuk pambuku me lëvizje të njëtrajtshme dhe të ngadalta, nga poshtë lart. Pas pastrimit të lëkurës, tonifikimi i saj përbën plotësimin e veprimit të qumështit detergjent. /Telegrafi/
