fcbesia
Anëtar i Respektuar
Dje janë mbushen tri vjet kur jeta e familjes Bytyqi nga Prizreni është nxirë. Djali i kësaj familjeje, Leutrimi ka mbetur invalid për shkak të një pakujdesie të mjekëve. Para tri vitesh i ishte dhënë injeksion me preparatin diclofen, i cili është i ndaluar për fëmijët nën moshën gjashtëvjeçare.
"Këmba i ka mbetur ma e hollë, kurse shputa i është lakuar. Shumë herë
edhe rrëzohet. Duart dhe gjunjët i ka varrë ” (Fadil Bytyqi,babai)“
Nga pakujdesia e mjekëve, Leutrim Bytyqi gjashtëvjeçar ka mbetur invalid e përhershëm. Para tri vitesh, doktori Orhan Vogël në mënyrë të gabuar ia kishte përshkruar dhënien e injeksionit fëmijës trevjeçar. Këtë injeksion ia kishte dhënë Zeki Vërshevci, i cili akuzohet nga familjarët se ia ka dëmtuar edhe nervin e këmbës. Për këtë rast Prokurua Publike e Komunës ka ngritur aktakuzë kundër mjekut Orhan Vogël, ndërsa për teknikun ka hequr dorë nga aktakuza. Kjo tërheqje e prokurorit nga akuza për teknikun Vërshevci, i ka irrituar familjarët e Leutrimit, të cilat kanë ngritur padi private, me të cilën pretendojnë se edhe tekniku është fajtor për gjymtimin e djalit të tyre. Kjo lëndë është dërguar në Gjykatën komunale, por vendimi ende nuk është marrë për fajësinë apo pafajësinë e të akuzuarve. Edhe pse ngjarja ka ndodhur para tri vitesh, asnjëri nga mjekët as vërejtje nuk ka marrë në institucionin që kanë punuar. Ndërsa, këtë të premte pritet të mbahet seanca e radhës për të sjellë raportet e ekspertizës nga Mjekësia ligjore për të dhënë mendimin e fundit, mbushen tri vjet kur jeta e familjes Bytyqi është nxirë. Pikërisht para tri vitesh kishte ndodhur edhe gjymtimi i Leutrimit. "Natën e datës 18 shtator 2005, rreth orës 21.30 minuta në Shërbimin Emergjent të Shtëpisë së Shëndetit në Prizren, si mjekë përgjatë dhënies së ndihmës mjekësore e shfrytëzon mënyrën e gabueshme të shërimit dhe shkakton keqësim të gjendjes shëndetësore të personave- të dëmtuarit Leutrim Bytyqi, ia përshkruan injeksionin - ampulën diklofen, edhe pse i dëmtuari nuk i kishte mbushur gjashtë vjet jetë", thuhet në aktakuzën kundër mjekut Orhan Vogël, të cilën e ka ngritur prokurori Idain Smajli. Ky i fundi ka thënë për Express se pasi ka gjetur fakte të mjaftueshme për gabimin e mjekut dhe ka vendosur që të propozoj akuzën dhe të kërkojë që i njëjti të dënohet sipas ligjit, për lëshimin e bërë. "Ia kam ngritur aktakuzën ndaj mjekut Orhan Vogël dhe e njëjta ka shkuar në Gjykatën komunale. Kam gjetur fakte se ai ka gabuar gjatë përshkrimit të injeksionit. Tash pritet që në seancën e radhës të dëshmojë eksperti mjekoligjor për këtë rast", sqaron prokurori Smajli. Ndonëse gazeta ka provuar të kontaktojë me mjekun Orhan Vogël, kjo ka qenë e pamundur par shkak se ai është duke punuar në Shqipëri. Derisa tekniku Vërshevci nuk ka pranuar të flasë për gazetë. Avokati i tij ka përmendur tërheqjen e aktakuzës ndaj klientit të tij, ndërsa për padinë private të familjarëve të Leutrimit ai ka thënë se është e drejtë e tyre të vazhdojnë procedurat. Në dosjen e Leutrimit prokurori ka futur edhe shkrime të gazetës Express, e cila ka shkruar për rastet e gabimeve të mjekëve me rastin e dhënies së diclofenit tek pacientët. Prokurori ka gjetur se ampula diclofen nuk u guxon t`iu jepet fëmijëve nën moshën gjashtëvjeçare.
Shet shtëpinë për Leutrimin
Babi i Leutrimit, Fadili është duke dyshuar në drejtësinë e Gjykatës komunale të Prizrenit. Si banor e vonshëm i Prizrenit, ai thotë se mjekët të cilët i akuzon për gjymtim të djalit të tyre i kanë blerë prokurorët dhe gjyqtaret dhe se i ka humbur edhe shpresat në drejtësi. "Kryeministri ka thënë se ka korrupsion në drejtësi dhe kjo është vërtetuar edhe në rastin tim. Djali më ka mbetur invalid i përjetshëm dhe të njëjtit njerëz që e kanë bërë këtë vazhdojnë të punojnë. Kjo është më shumë se skandal, kurse ende nuk po del drejtësia në vend", akuzon Fadili, derisa i bën thirrje Inspektoratit Shëndetësor që të merren edhe ata me këtë rast. Ai tregon kontratën e shtëpisë, të cilën e ka shitur për shërimin e djalit të tij. I ka të gjitha dokumentet që e vërtetojnë se gjatë këtyre tri vjetëve, ka qenë në spitalet e Turqisë, Serbisë dhe Shqipërisë. "Më shumë se 50 mijë euro i ka harxhuar deri më tani. Ende nuk ka shpresë së këmba e tij do të shërohet. Të gjitha konstatimet e mjekëve të këtyre tri vendeve kanë thënë se ai që ia ka dhënë injeksionin ka gabuar gjatë dhënies dhe se nuk është dashur t`i jepet diclofen fëmijës", thotë Fadili, derisa përcjell djalin e tij për në shkollë. "Ka trajtim të veçantë në shkollë dhe shokët e tij duhet ta presin se nuk mund të ecë njësoj sikur bashkëmoshatarët e tij. Këmba i ka mbetur ma e hollë, kurse shputa i është lakuar. Shumë herë edhe rrëzohet. Duart dhe gjunjët i ka varrë", shprehet ai.
110 mije euro demshperblim!
Avokati i palës së dëmtuar, Nexhat Elshani thotë se janë në përfundim seancat gjyqësore për rastin dëmtimit të fëmijës. Ai thotë se në bazë të aktvendimit, i cili pritet të merret në Gjykatë, do të kërkoj dëmshpërblim në vlerë prej njëqind mijë eurosh. "Të akuzuar janë të dy; edhe mjeku edhe tekniku. Ne do të presim aktgjykimin dhe në bazë të tij do të kërkojmë edhe dëmshpërblim në vlerë prej 100 mijë eurosh për dëmin e shkaktuar", ka thënë avokati Elshani, i cili i ka garantuar palës së vet se nuk do të ndalet derisa drejtësia të dalë në shesh. "Dëshmitë janë dhe po presim edhe raportin e ekspertizës mjekoligjore, në mënyrë që të dihen saktë fajtorët me rastin e lëndimit të Leutrimit", ka theksuar ai.
Express
Redaktimi i fundit:
hh: