Titulli: Shqipëri - Serbi
"اmenduria" e tifozëve: Paguajnë një mijë euro në treg të zi për të parë Serbinë
“اmenduri” për një biletë. Të shohësh në “Elbasan Arena” sfidën midis Shqipërisë dhe Serbisë mund të të kushtojë plot një mijë euro.
Tifozët e Kombëtares, kryesisht ata nga Kosova që e konsiderojnë si speciale këtë përballje, janë të gatshëm të ofrojnë këtë shumë për të pasur një biletë për këtë sfidë.
kuq-e-ziNuk ka rëndësi se për cilin sektor bëhet fjalë, mjafton të hyjnë në stadium. Burime të besueshme të “Panorama Sport” konfirmojnë se një pjesë e madhe e tifozëve kanë arritur të prenotojnë bileta me shuma marramendëse, në shifra që deri tani ishin të padëgjuara.
Mekanizmi – Gazeta arrin të zbardhë edhe mekanizmin sesi një biletë, qoftë edhe më e lira, ajo 1 mijë lekë të rinj, ka arritur deri në 1 mijë euro. Personat që kanë akses në Federatë dhe mund të sigurojnë bileta, janë ata që i kanë dërguar çmimet deri në këtë pikë, e lidhur kjo me kërkesën e jashtëzakonshme nga ana e shqiptarëve të Kosovës për të siguruar hyrjen në stadium. Në disa raste, një biletë kalon në tre duar, ndaj edhe çmimi i saj shkon deri në 100-fish.
Kështu, pasi kanë arritur të gjejnë lidhjet me njerëz të ndryshëm që kanë akses për të porositur bileta, tifozët nga Kosova kanë dërguar të dhënat e tyre, në mënyrë që bileta të jetë e personalizuar dhe të mos ketë asnjë problem gjatë hyrjes në stadium mbrëmjen e 8 tetorit në “Elbasan Arena”. Nëse kërkesa do vijojë të jetë e lartë, atëherë nuk është çudi që çmimi i saj t’i kalojë 1 mijë eurot, pasi ka shumë shqiptarë nga diaspora që kanë prerë biletën e mbërritjes në Shqipëri dhe më konkretisht në Elbasan. Kjo kategori sportdashë- sish do të ishte e gatshëm të paguante çdo shumë për ta parë nga afër këtë ndeshje.
Federata – Ajo që duket më e pafuqishme për ta parandaluar këtë treg të zi të sofistikuar është vetë Federata, edhe pse u mendua që me një biletë të personalizuar do të ishte më e vështirë tregtimi i tyre në të zezë.
Thuhet kështu, pasi nuk mund të parashikojë dot që këto bileta janë të destinuara për të shkuar te personat që kanë paguar qindra e mijëra euro për një të tillë, ndërkohë që zyrtarisht maksimumi nuk i kalon 70 eurot.
Ato nuk kanë nisur ende të shpërndahen për ata që i kanë porositur, por kjo është thjesht një formalitet, sepse nëse janë marrë të dhënat për ta personalizuar, praktikisht bileta është blerë.
Precedenti – Edhe në sfidën me Portugalinë, me bileta të personalizuara, sërish nuk u shmang dot tregu i zi, ndonëse në përmasa jo shumë të mëdha.
Një biletë për këtë sfidë arriti deri në 800 euro. Gjithsesi, nëse e krahasojmë me ndeshjet e kaluara, kur biletat nuk ishin të personalizuara, është reduktuar disi shitja e tyre në treg të zi.
Por, edhe pse me siguri të madhe, sërish evitimi i shitjes nën dorë duket i pamundur.
telegrafi.com