Prindërit e një 10-vjeçari i cili vuan nga një sëmundje e rëndë që i ka shkaktuar gjendje kome, kërkojnë ndihmë për gjendjen e vështirë në të cilën ata ndodhen.
Babai i fëmijës, Gjokë Dodaj për mikrofonin e “STOP” rrëfen se si i biri nga një dhimbje e lehtë koke humbi dalëngadalë shikimin, dëgjimin, të folurën, të ecurën duke u paralizuar përfundimisht.
E si të mos mjaftonte gjendja e tyre e vështirë ekonomike, atyre u është ndërprerë edhe ndihma sociale. Kjo për shkak të një makine që iu dhurua familjes për ta përdorur mbi të gjitha për nevojat e djalit. Prindërit e 10-vjeçarit i bëjnë apel shtetit për ndihmë. Nëna e djaloshit shprehet se gjithçka është shumë e vështirë.
“S’mund t’i shërbej sepse fëmija është pothuajse në gjendje kome. E ushqejmë me shiringa, me sondë. As gojën nuk mund t’ia lagim me ujë, pasi doktori thotë se fëmija mund të mbytet me pështymën e tij. Kjo është një sëmundje shumë e rrallë”.
Shekulli