Lajmet e fundit që vijnë nga Rihanna kanë lënë të zhgënjyer fansat e saj. Shkak është bërë bashkëpunimi i papritur me dy video “Birthday Cake” e “Turn up the Music” midis këngëtares nga Barbados me ish-të fejuarin e saj, Chris Brown, i njohur për ushtrimin e dhunës ndaj saj disa vite më parë. Në atë rast, fansat kishin dalë në mbështetje të idhullit të tyre, ndërsa tani nuk arrijnë të pranojnë faktin që ylli i ri ka vendosur, jo vetëm të falë ish-të fejuarin, por edhe të fillojë me të një bashkëpunim muzikor.
Mesa duket, për shkak të vendimit të saj, këngëtarja duhet të jetë duke humbur paksa popullaritet. Megjithatë, për t’iu përgjigjur akuzave të fansave, ka menduar vetë Chris Brown, i cili në Twitter ka deklaruar: “S’jemi të çmendur, thjesht bëjmë muzikë. Nuk ju pëlqen? Atëherë mos e dëgjoni. S’jeni Zoti për të na gjykuar”. Kështu mesa duket, Broën ka mbrojtur paqen e rigjetur me ish-të fejuarën. Ndërkohë që ka edhe thashetheme se shumë shpejt, ata mund të kthehen si të dashur.
/B/Shqip/