Lauri
Anunnak
Gjatë seancës plenare të Parlamentit u fol edhe për etikën në komunikimin publik të deputetëve. Vetë Kryeministri Rama sfidoi opozitën të gjente qoftë edhe një rast ku ai e kishte tejkaluar cakun. Duke harruar se një gjë të tillë e kishte bërë vetë pak minuta më parë.
Ndryshe nga pjesa tjetër e opozitës, Fatmir Mediu zgjodhi të qëndronte pak më gjatë dhe priti rrufetë e Kryeministrit.
Nga foltorja e Parlamentit, shefi i Qeverisë foli edhe për etikë, me mendimin se vetë nuk e kishte shkelur kurrë.
Vetëm pak minuta më parë, i ishte hakërryer kreut të republikanëve me këto fjalë.
Ishte po i njëjti Kryeministër që gjatë debatit me opozitën, nuk pati ndonjë problem etik të fliste në sallën plenare të Parlamentit për organe gjenitale e viagra, ndërsa krahu i tij vërtitej përpara kamerave në mënyrë elokuente.
Ndërsa kur rivali i tij ish-kryeministër ndodhej në foltoren e Kuvendit, pas kurrizit të tij, Rama që pretendon se nuk e shkel kurrë etikën, ndante me ministrat një seri epitetesh për Berishën.