Lumturia? Ju mund ta arrini atë edhe përmes tavolinës. E kjo, nëse zgjidhni ushqimet që jo vetëm ju mbushin me kalori, por edhe me gëzim në të njëjtën kohë. Por cilët janë ata?
Kryesojnë listën ushqimet e pasura me të ashtuquajturat “folate”, në të cilat grupohen: lakra, brokoli, spinaqi, asparagusi, zarzavatet, rrepat, bishtajoret, farat e lulediellii, portokalli, shalqiri apo edhe drithërat.
”Folatet”, të njohura për përmbajtjen e acidit folik, janë në fakt vitamina mjaft të dobishme për trupin tonë.
Një studiues në Universitetin e York-ut dhe Hull York Medical School ka zbuluar pikërisht një lidhje midis depresionit dhe nivelit të ulët të folateve.
Doza ditore e rekomanduar? 400 mikrogramë për meshkujt dhe 600 mikrogramë për femrat e sidomos ato shtatzëna.
Për shembull, me një filxhan thjerrëzash të gatuara, ju merrni 90% e dozës së përditshme të acidit folik.
Përveç kësaj, fibrat dhe proteina do t’ju bëjnë shumë mirë për stabilizimin e sheqerit në gjak, duke promovuar kështu edhe një humor të mirë.
Përveç kësaj, folatet gjithashtu mund të zvogëlojnë edhe homocysteinen, një amino-acid i lidhur me sëmundje të zemrës.
Ndërkaq, duhet ditur se një ushqim tjetër mjaft i vlefshëm për lumturinë tonë, është edhe banania... pse? Falë përmbajtjes së vitaminës B6.
e.t/NOA
