Ado
FISEBILIL-LAH
Komisioni i Qeverisë së Republikës së Kosovës për demarkacionin e kufirit si dhe ai i Maqedonisë, kanë filluar të hënën me shënjimin e vijës kufitare në zonën e Debëlldesë.
Në territorin e Maqedonisë, siç bën të ditur RTK, kanë filluar punimet teknike mes komisioneve ndërshtetërore të Kosovës dhe Maqedonisë për demarkacionin e kufirit.
Nën përcjellje të pjesëtarëve të Shërbimit Policor të Kosovës dhe policisë kufitare maqedonase, komisionet kanë filluar me vendosjen e shenjave ku parashihet të vendoset kufiri mes Kosovës dhe Maqedonisë në këtë zonë, e cila është më e ndjeshme për faktin se ka të bëjë edhe me prona private të banorëve të Debelldesë - pasi që marrëveshja mes Shkupit dhe Beogradit e vitit 2001, i cenon të drejtën e pronës banorëve të këtij fshati në një sipërfaqe prej 420 hektarësh.
Prof.dr. Murat Meha zv . kryetar i komisionit për demarkacionin e kufirit, tha se të gjitha përgatitjet për shënjimin e vijës kufitare janë bërë në nivelin më të lartë dhe në bashkëpunim edhe me banorët e Debelldesë, ndërkaq kryetari i Këshillit të fshatit Debellde, Zymri Ilazi, tha se shënjimi i pikave kufitare po bëhet në përputhje me kërkesat e banorëve të Debelldesë, që i kthen në pronësi banorëve tokat e tyre të uzurpuara 7 vite më parë.
Sipas anëtarëve të komisionit për demarkacionit të kufirit, punët rreth shënjimit të vijës kufitare Kosovë – Maqedoni duhet të përfundojnë në mars të vitit 2009. /rtk/telegrafi/
Në territorin e Maqedonisë, siç bën të ditur RTK, kanë filluar punimet teknike mes komisioneve ndërshtetërore të Kosovës dhe Maqedonisë për demarkacionin e kufirit.
Nën përcjellje të pjesëtarëve të Shërbimit Policor të Kosovës dhe policisë kufitare maqedonase, komisionet kanë filluar me vendosjen e shenjave ku parashihet të vendoset kufiri mes Kosovës dhe Maqedonisë në këtë zonë, e cila është më e ndjeshme për faktin se ka të bëjë edhe me prona private të banorëve të Debelldesë - pasi që marrëveshja mes Shkupit dhe Beogradit e vitit 2001, i cenon të drejtën e pronës banorëve të këtij fshati në një sipërfaqe prej 420 hektarësh.
Prof.dr. Murat Meha zv . kryetar i komisionit për demarkacionin e kufirit, tha se të gjitha përgatitjet për shënjimin e vijës kufitare janë bërë në nivelin më të lartë dhe në bashkëpunim edhe me banorët e Debelldesë, ndërkaq kryetari i Këshillit të fshatit Debellde, Zymri Ilazi, tha se shënjimi i pikave kufitare po bëhet në përputhje me kërkesat e banorëve të Debelldesë, që i kthen në pronësi banorëve tokat e tyre të uzurpuara 7 vite më parë.
Sipas anëtarëve të komisionit për demarkacionit të kufirit, punët rreth shënjimit të vijës kufitare Kosovë – Maqedoni duhet të përfundojnë në mars të vitit 2009. /rtk/telegrafi/