Farmacistja Eleni Basho dyshohet se është vrarë nga bashkëshorti i saj. Policia deklaron se ka prova të mjaftueshme që e implikojnë Ilia Bashon si organizatorin e vrasjes së saj.
Por sipas burimeve policore, 38-vjeçari nuk ka treguar deri më tani se cili ishte ekzkutori i krimit. Gjatë një konference për shtyp drejtori i policisë së Tiranës, Bernard اaushaj bëri të ditur se, ndalimi i bashkëshortit të gruas së vrarë u bë bazuar edhe në urdhërin e Prokurorisë së Tiranës, pas grumbullimit të provave dhe fakteve, që vërtetojnë implikimin e tij si organizator i vrasjes.
Ilia Basho, gjatë marrjes në pyetje nuk e ka pranuar krimin,
Ndalimi i këtij shtetasi u bë bazuar në urdhërin e Prokurorisë, pas grumbullimit të provave dhe fakteve, të cilat vërtetojnë implikimin e këtij shtetasi në vrasje
Bernard اaushaj
Drejtori i policisë së Tiranës duke shfrytëzuar alibinë e tij që kishte natën e vrasjes, pasi gjendej në një tjetër zonë larg nga vendi i ngjarjes.
Por në bazë të përgjimeve dhe gjurmimit të tij pas kryerjes së krimit, rezulton që ai të jetë organizator i krimit të rëndë. Policia nuk jep motive për arsyen e këtij krimi, por deklaron se ka ngritur ndaj tij akuzën e vrasjes me dashje në bashkpunim.
“Ndalimi i këtij shtetasi u bë bazuar në urdhërin e Prokurorisë së Rrethit Gjyqësor Tiranë të datës 21 shkurt 2012, pas grumbullimit të provave dhe fakteve, të cilat vërtetojnë implikimin e këtij shtetasi, si organizator i vrasjes me paramendim të kryer në bashkëpunim ndaj Eleni Bashos”, deklaroi drejtori اaushaj.
Policia nuk dha detaje të hollësishme për provat e krimit, por burime të saj saktësojnë se, ka dëshmi që rëndojnë ndaj tij, si edhe përgjime. Gjithashtu, rezulton se nga lëvizja e parave që janë konfirmuar nga hetimet, Basho ka paguar dikë tjetër për krimin, por ende nuk ka një identikit se kush mund të jetë vrasësi me pagesë.
Eleni Basho u vra në fillim të këtij muaji në afërsi të shtëpisë së saj në Shkozë të Tiranës. Ajo u ekzekutua nga vrasës profesionistë të cilët përdorën një armë të prodhimit serb.
Drejtori اaushaj, kreu i ri i policisë së Tiranës, në konferencën e parë të tij për shtyp premtoi se do të ulë numrin e vjedhjeve në kryeqytet
/t/ch/