Boja në Al-Jazeera: Shtetet arabe ta njohin Kosovën

Ish-kryetari i Bashkësisë Islame të Kosovës dhe dekan në Fakultetin e Studimeve Islame në Prishtinë, Rexhep Boja, i ka bërë thirrje shteteve të botës arabe që sa më shpejt ta njohin pavarësinë e Kosovës.

I ftuar në njërin prej emisioneve qendrore të televizionit "Al-Jazeera", Boja ka thënë se shtetet arabe nuk duhet të bien pre e propagandës serbe e ruse dhe se duhet të marrin vendimin për njohjen.

"Serbia duhet të heq përfundimisht dorë nga Kosova dhe ta lë të qetë rrjedhën e saj. Ajo duhet të turpërohet për atë që ka bërë kundër popullit shqiptar të Kosovës për më shumë së 100 vite, duke dëbuar, vrarë, dhunuar e masakruar qytetarët e saj", ka thënë Boja.

Ai u ka bërë thirrje bizneseve arabe që të investojnë në Kosovë. /ktv/

ska hajer prej arabeve...
Keta eshte dasht nder te paret ta njohin Kosoven si shtet te pavarur por keta jan veq mish i mbulum me pare ....