fcbesia
Anëtar i Respektuar
Dje është bërë zyrtarisht përurimi i Bibliotekës Digjitale Botërore, një faqe interneti ku do të mund të gjenden libra të rrallë, dorëshkrime, filma dhe fotografi nga mbarë bota.
Adresa e saj në internet do të jetë World Digital Library Home kurse përmbajtja do të jetë në shtatë gjuhë të botës.
E zhvilluar nga UNESCO dhe 32 bibliotekat partnere nga mbarë bota, kjo faqe interneti shpreson të promovojë mirëkuptim më të mirë ndërmjet kulturave dhe të sigurojë resurse për mësuesit.
Themelimin e një Biblioteke Digjitale Botërore në vitin 2005 e propozoi James Billington, kreu i Bibliotekës së Kongresit amerikan, që është biblioteka më e madhe në botë.
E vetmja “gjurmë” shqiptare që gjendet në këtë faqe është një fotografi e vjetër e shkëputur nga koleksioni i shkrimtarit dhe artistes Frank dhe Frances Carpenter.
Në këtë fotografi shihen dy djem të vegjël shqiptarë, të veshur me rroba kombëtare dhe këpucë karakteristike.
Frank G. Carpenter (1855-1924) ishte një shkrimtar amerikan i librave të udhëtimit dhe gjeografisë botërore, të cilat kanë ndihmuar në popullarizimin e kulturës antropologjike dhe gjeografike në SHBA në vitet fillim vitet e shek. 20.
Fotografitë janë bërë nga Carpenter dhe vajza e tij Frances, për ti ilustruar shkrimet e tij. Koleksioni përfshin 16800 fotografi dhe 7000 korniza dhe negativ të filmit.
Kryqi i Kuq Amerikan ka mbështetur këtë fotografi, e cila është bërë në mëngjes në qytetin e Tepelenës.
Botasot
por uroj qe te shtohen me kohen .