Kresha
A pretty face can never trick me
Hurmat arabe Ajwa, hurmat e preferuara të Profetit Muhamed (a.s.) janë fruta të shijshme e me ngjyrë të zezë nga Medina e Arabisë Saudite dhe kanë shumë vlera ushqyese.
Allahu i Madhëruar e ka përmendur hurmën në Kuranin Fisnik në ajetin:
“E dhembja (e lindjes) e mbështeti atë (Merjemen) te një trup i hurmës. Ajo tha: “Ah sa mirë ka qenë për mua të kisha vdekur para kësaj e të isha e harruar që moti!” E prej së poshtmi atë e thirri (Xhibrili): “Mos u brengos, Zoti yt bëri pranë teje një përroskë (uji)”. E ti shkunde trupin e hurmës se do të bien ty hurma të freskëta. Ti pra, ha pi e qetësohu…” (Sure Merjem: 23-26)
Pra, Merjemi (a.s.) pak para se të lindte djalin e saj, Isain (a.s.) hëngri disa hurma.
Profeti Muhamed (a.s.) ka thënë:
“Ai që i ha shtatë hurma Ajwa në mëngjes, nuk do të preket nga helmimi apo magjia në atë ditë” (Buhariu).
Aisha (r.a.) transmeton së i dërguari i Allahut (a.s.) ka thënë:
“Hurmat Ajwa nga Aliya (fshat afër Medinës) përmbajnë veti ngrohëse dhe janë kundërhelm (antidote) herët në mëngjes.” (Muslimi)
Dobitë e hurmave Ajwa
Hurmat Ajwa janë të pasura më minerale, si potasiumi, magnezi, kalciumi, fibrat, proteinat dhe vitaminat.
Vlerat ushqyese të hurmave Ajwa (per 100g)
Magnezium
53.6mg / 100g
Kalium
953mg / 100g
Hekur
1.75mg / 100g
Kalcium
24mg / 100g
Vitamin A
131 IU/100g
Kalori
361 / 100g
Sodium
5.59mg/100g
Karbohidrate
87.3g / 100g
Fibra dietike
6.4g / 100g
Monosaharide
70.7g / 100g
Proteina
2.5g / 100g
Ushqimi i zakonshëm dhe hurmat: Ushqimet e zakonshme dhe të përditshme që ne konsumojmë nuk na japin atë sasi mineralesh dhe aminoacidesh që na nevojitet, në krahasim me atë cka në përfitojmë nga ngrënia e një sasie të vogël hurmash. Hurmat përmbajnë një përqindje të lartë karbohidratesh, 14 lloje acidesh yndyrore, 15 lloje kripërash dhe mineralesh, proteina me 23 lloje aminoacidesh, 6 vitamina dhe një përqindje të lartë të fibrave dietike.
Dhimbjet e lindjes: Ngrënia e këtyre humrave lehtëson dhimbjet e lindjes, ndihmon në prodhimin e qumështit tek nënat gjidhënëse dhe parandalon humbjen e gjakut pas lindjes së fëmijës.
Zemër e shëndetshme: Ngrënia e përditshme e këtyre hurmave ndihmon kundër arteriosklerozës, shkaktari kryesor i infarkteve dhe sulmeve në zemër.
Gjithashtu hurmat Ajwa janë të dobishme edhe në këto raste:
1- Efektive në parandalimin e kancerit të stomakut
2- Parandalimin e anemisë
3- Forcimin e sistemit nervor dhe prodhimin e energjisë
4- Trajtimin e hipertensionit arterial
5- Për kocka të shëndetshme
6- Për lëkurë të shëndetshme dhe shikim të mirë
7- Për mbrojtjen nga pellagra, një sëmundje e cila manifestohet si dermatit
8- Për trajtimin e dementias dhe lodhjes
9- Uljen e nivelit të triglicerideve dhe kolesterolit (LDL) në gjak
10- Mbrojtjen e zemrës dhe të qarkullimit të gjakut
11- Për mbrojtjen kundër arterioskleozës dhe problemeve të zemrës, dhe për metabolizmin e proteinave.
Lufta me kancerin: Një studim i ri ka zbuluar fakte së hurmat arabe Ajwa nga Medina përmbajnë elementë aktivë të dobishëm për parandalimin e sëmundjeve sikurse kanceri.
Një kërkim i zhvilluar në Rijad, në Universitetin King Saud për të zbuluar dobitë shëndetësore të hurmave Ajwa, rezultoi se ky frut ka veti antiinflamatore të ngjashme më medikamente mjekësore si ibuprofeni dhe aspirina.
Studimi tregoi se norma në hurmat AJWA ishte e barabartë me produktet ekzistuese komerciale antioksidante në treg. Hulumtimi është publikuar në numrin 61 të revistës për bujqësinë dhe kiminë ushqimore në SHBA.
Profesor Muraleedharan Nair, kreu i laboratorit të materialeve natyrore në Universitetin e Miçiganit, kreu kërkimet në bashkëpunim me Universitetin King Saud për palmën e hurmës. Në studim kanë marrë pjesë kërkues shkencor nga të dy universitetet.
Hurmat arabe Ajwa janë të njohura për butësinë e tyre, thatësinë dhe çmimin e lartë nëpër tregjet dhe marketet e Arabisë Saudite.
Profeti Muhamed (a.s.) i ka përmendur dobitë e hurmave Ajwa, duke thënë se ato parandalojnë disa lloje sëmundjesh.
Sipas ekspertëve të shëndetit, këto hurma përmbajnë shumë flavonoide, të cilat kanë veti antioksidative. Përtej përfitimeve antioksidative dhe anti-inflamatore, sheqernat në hurmat Ajwa janë vetëm monosaharide, duke i bërë kështu të dobishme për njerëzit që vuajnë nga diabeti tip 2.
Në hurmat Ajwa janë gjetur edhe disa elementë inhibitorë, me efekt bllokues të cilat janë të ngjashme me medikamentet anti-inflamatore si aspirina, ibuprofeni, Celebrex dhe Naproxen.
Armida Plumbi
Dhe po, vertet jane te shtrenjta.