Qeveria egjiptiane, e mbështetur nga ushtarakët shpalli organizatë terroriste, “Vëllazërinë Muslimane”, nga radhët e së cilës ka dalë edhe presidenti i rrëzuar më 3 korrik, Mohamed Morsi.
Vendimi i autoriteteve që drejtojnë vendin që prej korrikut mbërriti pas sulmit më bomba ndaj zyrave qëndrore të policisë në Kajro, dy ditë më parë. Si pasojë e këtij sulmi, të paktën 14 persona gjetën vdekjen dhe qindra të tjerë mbetën të plagosur.
Menjëherë pas kësaj, autoritetet vendase akuzuan “Vëllazërinë Muslimane”, por kjo e fundit hodhi poshtë akuzat. Udhëheqësit e saj në mërgim dënuan sulmet dhe kërkuan gjetjen e autorëve dhe vendosjen e tyre para drejtësisë.
Disa javë më parë, kjo lëvizje politike që mbledh në gjirin e saj edhe disa grupe radikale fetare u shpall e jashtëligjshme.
Megjithatë, drejtues të saj të cituar nga mediat egjiptiane thonë se protestat kundër ushtrisë do të vazhdojnë në mbarë vendin.
Ndërkohë, policia ka arrestuar ish-kryeministrin Hisham Qandil, në një apartament në Giza, një prej ndarjeve administrative të vendit, siç bën të ditur agjencia shtetërore e lajmeve, EGYNeës.
Qandil është dënuar nga një gjykatë me 1 vit burgim për përbuzje. Sipas gjykatës, ai dështoi të nxirrte një vendim për shtetëzimin e një kompanie private, ndërkohë që shërbente nën drejtimin e presidentit tashmë të rrëzuar, Mohammed Morsi.
Qandil ka qenë një ministër i Ujrave, shumë pak i njohur, i cili u bë kryeministri më i ri i vendit, kur Morsi e caktoi atë në atë pozicion në korrik të vitit 2012.
/Top Channel
Vendimi i autoriteteve që drejtojnë vendin që prej korrikut mbërriti pas sulmit më bomba ndaj zyrave qëndrore të policisë në Kajro, dy ditë më parë. Si pasojë e këtij sulmi, të paktën 14 persona gjetën vdekjen dhe qindra të tjerë mbetën të plagosur.
Menjëherë pas kësaj, autoritetet vendase akuzuan “Vëllazërinë Muslimane”, por kjo e fundit hodhi poshtë akuzat. Udhëheqësit e saj në mërgim dënuan sulmet dhe kërkuan gjetjen e autorëve dhe vendosjen e tyre para drejtësisë.
Disa javë më parë, kjo lëvizje politike që mbledh në gjirin e saj edhe disa grupe radikale fetare u shpall e jashtëligjshme.
Megjithatë, drejtues të saj të cituar nga mediat egjiptiane thonë se protestat kundër ushtrisë do të vazhdojnë në mbarë vendin.
Ndërkohë, policia ka arrestuar ish-kryeministrin Hisham Qandil, në një apartament në Giza, një prej ndarjeve administrative të vendit, siç bën të ditur agjencia shtetërore e lajmeve, EGYNeës.
Qandil është dënuar nga një gjykatë me 1 vit burgim për përbuzje. Sipas gjykatës, ai dështoi të nxirrte një vendim për shtetëzimin e një kompanie private, ndërkohë që shërbente nën drejtimin e presidentit tashmë të rrëzuar, Mohammed Morsi.
Qandil ka qenë një ministër i Ujrave, shumë pak i njohur, i cili u bë kryeministri më i ri i vendit, kur Morsi e caktoi atë në atë pozicion në korrik të vitit 2012.
/Top Channel
