Love
βeℓℓe â๓e
Policia Metropolitane e Britanisë së Madhe ka bërë të ditur se nuk ka “asnjë provë të besueshme” se Shërbimi Special Ajror (SAS) është i përfshirë në vdekjet e Diana-s, Princeshës së Uellsit, dhe Dodi al Fayed.
Policia ka siguruar materiale gjatë 16 gushtit në lidhje me vdekjet e princeshës dhe al Fayed në 1997. Sipas tyre, duke kryer një “ushtrim studimor” për të vlerësuar informacionin, u vendos që nuk ka asnjë bazë për të hapur një hetim penal. Një hetim gjyqësor i vitit 2008 konkludoi se ata ishin vrarë në mënyrë të paligjshme.
Mjeti me të cilin ata po udhëtonin u përplas në një tunel të Parisit, teksa incidenti ndodhi pjesërisht për shkak të “neglizhencës flagrante” të shoferit, u vendos në fund të atij hetimi.
Në një deklaratë nga Policia Metropolitane, gjatë së martës, thuhej se në vlerësim u përfshinë edhe “deklaratat e një numri të madh individësh, si dhe nga rishikimi i të dhënave”. Në këtë hetim, oficerëve të hetuesisë iu dha “akses i paprecedent” për në regjistrimet e Drejtorisë së Forcave Speciale.
Në deklaratë vijohej: “اdo linjë e arsyeshme e hetimit u ndoq objektivisht, në mënyrë që të vlerësoheshin maksimalisht çdo provë e mundshme potenciale. Konkluzioni përfundimtar është se, teksa ekziston mundësia që të jenë bërë komente dyshuese mbi përfshirjen e SAS-së në vdekjet në fjalë, nuk ka asnjë provë të besueshme që të mbështesë një teori, që pretendime të tilla të kenë faktikisht baza. Ndaj, hetuesit janë të kënaqur, që nuk ka pasur asnjë bazë mbi të cilën të kërkohet një hetim penal, apo për t’ia referuar sërish çështjen mjekëve ligjorë të Mbretërisë së Bashkuar”.
Top Channel
.. 
