Tradhtia: Shenjat që e paralajmërojnë dhe arsyet që e shkaktojnë

Monique

With or Without u
E FALSHME OSE JO, TRADHTIA KRIJON NJث HENDEK Tث THELLث MES اDO اIFTI, AJO ثSHTث NJث NGA ARSYET Mث MADHORE PثRSE NDODH SHUMICA E DIVORCEVE Nث DITثT E SOTME.
560440_382693308419954_2041307988_n.jpg


E vërteta e hidhur është se disa burra kthehen në shtëpi me ndonjë shenjë buzëkuqi dhe me aromën e parfumit të ndonjë gruaje tjetër. Ndodh që shenjat të mos jenë gjithnjë kaq të dukshme, por nëse jeni në gjendje t’i shihni me kujdes, ato janë gjithnjë aty. Ja 11 këshillat që Danin Manet, një investigator privat u jep grave që mendojnë se burri po i tradhton.

1. Ndryshime të papritura në pamjen e tij. “Nëse bashkëshorti juaj po përpiqet të transformohet në një tjetër burrë, kjo mund të jetë më shumë se një krizë e moshës së mesme”, paralajmëron Manet. Ai vazhdon duke thënë se ndryshimet drastike dhe të pashpjegueshme, që një burrë i bën pamjes së tij, stilit të veshjes dhe formave të trupit, janë gjithnjë shenja të pagabueshme të një tradhtie. Nëse ai vishet ndryshe për në punë, mbase është një kolege, personi që po përpiqeni të gjeni. Nga ana tjetër nëse bashkëshorti juaj i shëndoshë, që deri më parë nuk e kishte problem peshën, ka filluar të shkojë në palestër dhe të kujdeset për format trupore, mund të mos jeni ju personi që po përpiqet të impresionojë. Ai mund të jetë duke u përpjekur të duket bukur për një interes të ri dashuror, ose dëshiron të ruajë të njëjtin fizik me një grua më të re. S’mund të përjashtohen rastet, që personi me të cilin po ju tradhton punon në palestër ose ushtrohet atje.

2. Sjellja e tij karshi jush ndryshon shumë. Ndryshimi i humorit të tij mund të jetë më tepër sesa thjesht një periudhë stresi në punë. Meshkujt shpesh bëhen nervozë kur u duhet të jenë në dy vende të ndryshme njëkohësisht. Nëse tjetra po i ushtron presion që të kalojë më shumë kohë me të, atëherë bashkëshorti juaj do të përpiqet të krijojë grindje me ju, në mënyrë që t’ia mbathi sikur është shumë i zemëruar dhe të shkojë tek ajo. Nëse ai jo vetëm po nis zënka, por gjithashtu ka filluar t’ju kritikojë për gjëra që më parë nuk e shqetësonin, si për shembull pamja juaj, zakonet e të ngrënit dhe inteligjenca, ka shumë gjasa të mos jetë problemi te kilogramët që keni shtuar, por te fakti që mes jush ka hyrë një femër tjetër. Tradhtia krijon shumë probleme dhe tension, për të dy partnerët në çift. Duhet t’i shtojmë kësaj edhe faktin që tradhtia duhet të jetë e ndershme, ndaj meshkujt fillojnë të fokusohen mbi gjërat që nuk pëlqejnë te ju, për të justifikuar kështu veprimet e tyre.

3. Ai bëhet gjithnjë e më i largët. Distanca emocionale është fakti numër një që tregon për mungesën e besnikërisë, pasi është e vështirë të përcjellim emocione të ngrohta te dy njerëz njëkohësisht. Krijimi i një intimiteti emocional me një person që nga ana tjetër po e tradhton, është një sfidë që jo çdo burrë mund ta përballojë. Shumica e njerëzve thjesht nuk mund të mbajnë mbi shpatulla peshën e tradhtisë, për këtë arsye krijojnë një largësi. Ky hendek që krijohet mes jush, ka edhe favoret e veta për atë që tradhton, në këtë mënyrë ai rrezikon më pak të zbulohet. Nëse ai nuk flet shumë, ka më tepër gjasa të mos thotë ndonjë gjë inkriminuese. Nëse bashkëshorti juaj fillon t’i shmanget qëndrimit vetëm me ju dhe nëse bisedat tuaja bëhen shumë sipërfaqësore, ai mund të jetë duke ju shtyrë larg, pasi po afrohet shumë me dikë tjetër. Për shembull nëse ai ka filluar të mos ju thotë më fjalë të ëmbla apo nuk jua kapë më dorën në publik, atëherë ai mund të jetë duke e kursyer dashurinë për dikë tjetër, në mënyrë që të mos ndihet fajtor përball lidhjes së re.

4. Sjelljet prej fajtori. Kjo sjellje është një shenjë e sigurt se partneri juaj po fsheh diçka. Ai mund t’ju trajtojë me dashuri dhe t’ju kushtojë vëmendje, si për shembull duke ju dhënë dhurata pa asnjë arsye, duke ju komplimentuar vazhdimisht apo edhe duke ju ndihmuar në punët e shtëpisë. Duke vepruar kështu, bashkëshorti juaj po përpiqet t’jua shlyejë tradhtinë e tij dhe në këtë rast është ndjenja e fajit motivi që e udhëheq atë. Kur një burrë ndihet fajtor, ai fillon të veprojë në mënyrë të pazakontë. Për të maskuar tradhtinë e tij ose për t’u çliruar disi nga ndjenja e fajit. Nga ana tjetër, disa meshkuj mund të zgjedhin ta shmangin partneren kur kanë diçka për të fshehur, ndaj ata nuk mbajnë më kontakt me sy ose nuk fillojnë biseda. Duke qenë se sytë janë një pikë e fortë e atyre që njihen mirë, disa burra mendojnë se duke u parë në sy, sekreti i tyre do të zbulohet dhe ata e shmangin këtë.

5. Sjellje të fshehta, të pazakonta dhe të pashpjegueshme. Mos u shqetësoni vetëm për sjellje e tij të fajtorit. Gjithçka që mund cilësohet si sekrete, e pazakontë dhe e pashpjegueshme, mund të sinjalizojë se ai po ju fsheh diçka. Nëse partneri juaj fillon të bëhet misterioz dhe i pakuptueshëm, po ndodh patjetër ndonjë gjë për të cilën nuk jeni në dijeni. Nëse pamja e kompjuterit lëviz sapo hyni në dhomë, bisedat në telefon ndalojnë, telefonatat pranohen jashtë dhomës ku jeni, gjuha e çuditshme e trupit fillon të flasë dhe nëse partneri fillon të ngurrojë t’ju marrë me vete në vende të ndryshme, dijeni se këto janë sjellje që karakterizojnë një burrë aspak besnik.

6. Nuk e shihni shpesh. Nëse ai papritur nuk është më vërdallë, ka dy mundësi: ose është vërtetë i zënë me punë, ose është i zënë me dikë tjetër. Ndërkohë që bashkëshortit tuaj mund t’i dalin shumë projekte pune, udhëtime të shpeshta, orare të tejzgjatura pune, arsyeja e kësaj mund të jetë tradhtia e tij. Aktivitetet e mësipërme janë zakonisht mbulimet e fakteve që ai dëshiron të kalojë më shumë kohë me dikë tjetër. Ndoshta mund të ketë planifikuar një fundjavë në ndonjë vend turistik me personin që po ju tradhton. Mund të ndodhë që bashkëshorti juaj t’ju shmanget, pasi ndihet fajtor për të qëndruar gjatë me ju në shtëpi.

7. Ai është vazhdimisht i padisponueshëm në telefon. Papritur e keni të vështirë të lidheni me të përzgjedhurin tuaj të jetës? ثshtë celulari i tij i fikur në momente kur më parë ishte gjithnjë i arritshëm? A ankohet bashkëshorti juaj se celulari nuk i kishte valë për një periudhë të gjatë kohore? Nëse partneri juaj është shpesh i padisponueshëm, arsyeja e kësaj është se mund të jetë me dikë tjetër. Duke vepruar kështu meshkujt mund të kalojnë kohë të konsiderueshme me një grua tjetër, pa pasur nevojën të kthehen me nxitim në shtëpi. Fikja e celularëve është një mënyrë e mirë për t’u siguruar se asgjë nuk do ta shqetësojë gjatë qëndrimit me personin tjetër.
8. Besojini instinktit femëror. Nëse mendoni se partneri juaj po sillet çuditshëm, po fsheh diçka apo po takohet me dikë tjetër, mos e anashkaloni instinktin tuaj. Intuita femërore është një nga aspektet kryesore, të cilës duhet t’i besojmë pa dyshimin më të vogël. Një grua e njeh mirë bashkëshortin e saj, ajo arrin ta kuptojë kur ai është i lumtur, i mërzitur apo edhe i vetmuar. Një person që është me trupin këtu, por me mendjen gjetkë, nuk është i vështirë për t’u identifikuar. Instinkti femëror është ndër të parët që paralajmëron se diçka nuk është në rregull. Në fakt, është ajo ndjesia e ankthit që buron prej kësaj ndjenje të pavetëdijshme, që ndihmon në sinjalizimin e tradhtisë. Kjo e fundit është një veprim i ndërlikuar, ndaj edhe sjellja njerëzore ndryshon gjatë fillimit të një lidhjeje të pandershme. Gjëja më e mirë që një femër mund të bëjë, është t’i besojë instinktit të saj dhe ta vërtetojë ose hedhë poshtë atë.

9. Ai ndryshon në shtrat. Si shtimi ashtu edhe pakësimi i interesit në jetën seksuale sinjalizon për mungesën e besnikërisë. Nëse ai fillon t’ju shmangë dhe nuk ju sheh më me syrin e tërheqjes, atëherë mund të jetë duke i kënaqur nevojat e tij seksuale diku tjetër. Shumë çifte përjetojnë ndryshime në jetën seksuale me kalimin e kohës, por nëse bashkëshorti juaj fillon ta humbasë interesin seksual mbi ju, duhet të merrni parasysh që kjo është një provë e gjallë e tradhtisë së tij. Personi që ka njohur së fundmi mund të jetë duke i dhënë diçka më tepër nga ajo që ai merr në shtëpi. Partneri juaj mund t’i kushtojë më shumë kohë të dashurës së tij të re, pasi i duket misterioze dhe e pazbuluar. Nga ana tjetër, një rritje e jetës seksuale mund të jetë gjithashtu shenjë e tradhtisë. Seksi me një partnere të re, mund të rrisë aktivitetin e testosteroneve, duke shtuar kështu dëshirën e bashkëshortit tuaj. Një tjetër tregues i tradhtisë, mund të jetë interesi i papritur ndaj një eksperimenti seksual.

10. Një femër e re shfaqet. Nëse bashkëshorti juaj fillon t’ju flasë shpesh për një grua që ju nuk e keni takuar kurrë, ekziston një mundësi e mirë, që kjo femër të jetë personi me të cilin po ju tradhton. Nëse do ta pyesni rreth saj, ai do t’ju përgjigjet se është thjesht një shoqe. Nga ana tjetër, entuziazmi me të cilën po flet për të, tregon të kundërtën. Pavarësisht se ju mund të thoni se është çmenduri që një burrë t’ia prezantojë dashnoren e tij gruas, ekspertët shprehen se disa burra e bëjnë këtë. Ndonjëherë tradhtarët ndjekin strategji të ndryshme, duke qenë gjysmë të vërtetë, për të shpëtuar nga pesha e rëndë e mundësisë për t’u zbuluar.
11. Ju akuzon për tradhti. “Përse po më bën kaq shumë pyetje?” “ا’të duhet se ku isha?” “Po shikoja ndeshjen me…” “Nëse nuk më beson telefonoi e pyete!” Nëse të gjitha këto mënyra mbrojtjeje ju duken të njohura, atëherë lidhja juaj martesore nuk po shkon dhe aq mirë. Kur një burrë mbrohet shumë gjatë pyetjeve për vendndodhjen e tij apo për oraret e vona të kthimit në shtëpi, atëherë ai mund të jetë duke shmangur diçka shumë të keqe. Po të ishte i pastër dhe nëse çdo gjë do të ishte në rregull, atëherë kur ju i bëni pyetje të tilla dyshuese, ai do të tallej me xhelozinë tuaj. Nga ana tjetër, nëse pa asnjë shkak bashkëshorti ju akuzon për tradhti, kjo vjen prej faktit që ai nuk po ju qëndron besnik. Kur një mashkull e sheh sesa e lehtë është të përfshihesh në një marrëdhënie të jashtme, atëherë ai fillon ta shohë edhe partneren e tij në këtë këndvështrim. Nëse ju akuzon për tradhti, është një mënyrë e padrejtë për të mbrojtur sjelljen e tij aspak të moralshme.

Statistikat e tradhtisë për vitin 2012. Sipas “Journal of Marital and Family Therapy” në 41 për qind të martesave të paktën njëri nga partnerët pranon të ketë kryer tradhti qoftë fizike, qoftë emocionale. 57 për qind e meshkujve pranojnë të kenë tradhtuar në çdo marrëdhënie që kanë pasur, të njëjtën gjë e pranojnë edhe 54 për qind e femrave. 22 për qind e meshkujve dhe 14 për qind e femrave pranojnë se janë larguar të paktën një herë nga shtëpia gjatë martesës. 36 për qind e burrave dhe grave pohojnë se kanë pasur një marrëdhënie jashtëmartesore me një koleg ose kolege. 35 për qind e njerëzve pranojnë të kenë kryer tradhti gjatë një udhëtimi pune. 17 për qind e meshkujve dhe femrave pranojnë ta kenë tradhtuar partneren ose partnerin e tyre me kunatën ose kunatin. Koha mesatare e zgjatjes së një lidhje jashtëmartesore është 2 vite. Vetëm 31 për qind e martesave vazhdojnë të funksionojnë, pasi është zbuluar apo pranuar tradhtia. 74 për qind e burrave dhe 68 për qind e femrave pranojnë se do ta kryenin me gjithë qejf tradhtinë nëse do të ishin të sigurt se nuk do të zbuloheshin. Në të gjithë botën 3 për qind e fëmijëve janë të lindur nga lidhje jashtëmartesore. 20-33 për qind e tradhtive kryen online. Avokatët e divorceve pranojnë se shifrat e prishjes së martesave janë rritur shumë dhe shkaqet më të dukshme janë tradhtitë në rrjetet sociale.

Shkaqet dhe shpjegimi i tradhtisë nga antropologët. Studiuesit pohojnë se njeriu është një qenie midis monogamisë dhe poligamisë. Antropologu Bobi Lou shprehet se njeriu anon më shumë nga poligamia. Sipas Helen Fisher ka shkaqe të shumta psikologjike përse ndodh tradhtia. Disa njerëz dëshirojnë t’i shtojnë diçka martesës së tyre, të tjerë kërkojnë të zgjidhin një problem në jetën seksuale. Ka nga ata që duan të tërheqin më shumë vëmendje drejt vetes ose tradhtojnë për t’u hakmarrë, apo për ta bërë martesën e tyre më të gjallë. Një tjetër shpjegim është ai biologjik, sipas të cilit truri i njeriut është i ndërtuar nga dy sisteme, njëri sistem i korrespondon tërheqjes dhe dashurisë romantike, ndërsa tjetri i përket fiksimit ndaj seksit. Helen Fisher shpjegon se ndodh që këto dy sisteme të mos komunikojnë shumë mirë me njëri-tjetrin, ndaj të rriturit fillojnë t’i kënaqin veç e veç me persona të ndryshëm të dyja sferat. Mendohet se meshkujt janë më të ndjeshëm ndaj tradhtisë fizike dhe nuk arrijnë ta falin atë, ndërsa femrat e kanë më shumë problem kur partneri i tyre bie në dashuri me një grua tjetër, pra i tradhton emocionalisht. Tradhtia dhe kulturat. Nga një analizë e 7 kombeve të ndryshme rezultoi se partnerët në një marrëdhënie shërbejnë si i vetmi burim ekskluziv i dhënies së dashurisë dhe kënaqësisë. Në shoqëri të ndryshme, tradhtia perceptohet ndryshe. Për shembull në shoqëritë e mbyllura nëse një mashkull shihet me një femër tjetër, atëherë kjo konsiderohet si tradhti, nga ana tjetër në shoqëritë më të hapura, ky veprim shihet si diçka normale. Disa kultura e dënojnë tradhtinë dhe e quajnë të pamoralshme, të tjera e pranojnë dhe janë tolerant ndaj kësaj sjelljeje. Sipas studiuesve shoqëritë që janë më liberale nga ana ligjore i gjykojnë më pak lidhjet jashtëmartesore, sesa ato shoqëri të tjera që kanë ligje të ngurta dhe moral të pandryshueshëm. Për shembull në Danimarkë të kesh marrëdhënie seksuale me dikë, jo domosdoshmërisht nënkupton një lidhje emocionale. Shkalla e pranimit të tradhtisë është një faktor që lidhet edhe me vendbanimin, personat që jetojnë në zona metropolitane janë më të prirur ta pranojnë tradhtinë dhe ta kuptojnë atë, ndërsa personat që jetojnë në zona rurale kanë mite të pathyeshme për tradhtinë. Duhet shtuar edhe se në zonat urbane tradhtia është një fenomen më i pranishëm. Sipas një studimi mbi 16.964 persona nga 53 shtete të ndryshme, joshja për lidhje jashtëmartesore ndodh më shpesh në vendet e Lindjes së Mesme sesa në Azinë Lindore si për shembull Kina dhe Japonia.

Llojet e tradhtisë: Tradhtia oportuniste ndodh kur një partner është i dashuruar me partneren e tij, por nuk arrin t’i rezistojë joshjes seksuale ndaj një personi tjetër. Kjo tradhti priret nga dëshirat seksuale dhe varet gjithnjë nga rrethanat e mundësitë. Tradhtia obligatore bazohet në frikën e refuzimit për shkak të dëshirës për një jetë seksuale më të avancuar. Duke qenë se partneri tjetër është kundër këtij ndryshimi në jetën seksuale, personi që tradhton e bën këtë me dëshirën që dikush ta pranojë dhe dëshirojë për atë që është. Ky vazhdon të jetë akoma i tërhequr pas partneres afatgjatë. Tradhtia romantike lind kur ai që tradhton, nuk ndihet më i dashuruar me partneren që ka. Ideja e marrëdhënies dhe kuptimi i përgjithshëm i jetës, është e vetmja gjë që e mban të bashkuar këtë person me partneren që ka. Tradhtia romantike konfliktuale ndodh kur një person është i dashuruar me dikë, por nga ana tjetër ka dëshira seksuale për njerëz të tjerë. Në këto rrethana, personi në fjalë ndien se nuk mund të thotë asgjë për gjendjen e saj, por nga ana tjetër e ka të pamundur t’i shpëtojë dëshirës për t’u shprehur. Për këtë arsye këto marrëdhënie quhen “lidhje të hapura”. Tradhtitë përkujtimore janë ato tradhti kur mes një çifti nuk ka më dashuri, por marrëdhënia e tyre vazhdon për hir të gjërave të vjetra që kujtohen si diçka e largët.

Gazeta Shqip
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top