Një ngjarje e rëndë është shënuar në Merilend të Shteteve të Bashkuara, ku një 9-vjeçar ka ndërruar jetë në spital pas dhunës barbare nga i dashuri i nënës së tij.
Mediat amerikane shkruajnë se Robert Wilson i ka lidhur duart 9-vjeçarit dhe më pas e ka keqtrajtuar atë. Djali qëndroi i shtruar në spital për 5 ditë me radhë, por fatkeqësisht nuk mundi t’u mbijetonte plagëve të marra.
Pasi kishte ushtruar dhunë ndaj fëmijës, 30-vjeçari kishte refuzuar ta dërgonte atë për ndihmë mjekësore dhe për 4 orë me radhë fëmija qëndroi në shtëpi derisa një tjetër person në banesë u detyrua të lajmëronte policinë.
Fillimisht, 30-vjeçari Robert Wilson u akuzua për sulm të shkallës së parë dhe abuzim ndaj fëmijëve, por pritet që policia të konsultohet me prokurorët për akuza të reja, pas lajmit të hidhur të vdekjes së 9-vjeçarit.
/ Top Channel
