Okupimi 10-vjeçar i Kosovës - 10 miliard dollarë dëme

Ado

FISEBILIL-LAH
Humbjet financiare të Kosovës vetëm gjatë periudhës 1989-1999, pa llogaritur dëmet e luftës, janë dhjetëra herë më të mëdha sesa borxhi i që ka Kosova ndaj ish-Federatës jugosllave, bën të ditur në numrin e sotëm gazeta “Lajm”.

Një dokument qeveritar, të cilin e posedon kjo gazetë, llogarit në mbi 9 miliardë dollarë humbje vetëm në atë dhjetëvjeçar.

Dokumenti qeveritar vlerëson se në periudhën 1989-1999, kur Kosova ishte nën administrim të dhunshëm, u ndërpre tërësisht rrjedha e kapitalit të jashtëm për investime ekonomike, ndërsa si pasojë popullata iu nënshtrua një varfërimi të skajshëm.

Aty po ashtu thuhet se, Kosova për çdo vit është cunguar t’i shfrytëzojë 200 milionë dollarë në vit nga Fondi i Federatës, ku kontribuonte edhe Kosova, ndërsa nga buxheti federativ nuk i ka shfrytëzuar po ashtu 200 milionë dollarë në vit si dhe 300 milionë dollarë investime nga Banka Botërore – si rajoni më i varfër i ish-Jugosllavisë.

Dëmet e tjera do të ishin edhe më të mëdha po të llogaritej këtu humbja e hapit të zhvillimit tekniko-teknologjik si rezultat i okupimit 10 vjeçar serb, pastaj ndërprerja e ndihmës teknike etj.

Në këtë dokument po ashtu thuhet se Kosova është e gatshme t’i marrë mbi vete obligimet që i takojnë në raport me borxhet e jashtme, të cilat i kanë marrë organet legjitime të Kosovës para suprimimit të tyre të dhunshëm.

Sidoqoftë, për dallim prej republikave të tjera, të cilat kanë përfituar nga ndarja e pasurisë së përbashkët federative, Kosova nuk ka përfituar asgjë nga sukcesioni, ndërsa qëndrimi i ekspertëve kosovarë është se asnjë marrëveshje borxhi të jashtëm nuk mund të ketë pa pastrimin e llogarive ekonomike me Serbinë.

Në Qeveri ndërkaq, konfirmojnë se deri tani nuk ka asnjë lëvizje për t’u marrë vesh me Beogradin lidhur me borxhin e jashtëm të Kosovës dhe duket se gjithçka do të mbetet në duart e arbitrit ndërkombëtar, i parashikuar me Pakon Ahtisaari. /Telegrafi/
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top