LeVoyageur
Once upon a time...
Mijëra myslimanë dolën në rrugët e qytetit më të madh të Pakistanit Karaçi, të enjten për të protestuar kundër revistës franceze satirike “Charli Hebdo”, e cila publikoi karikaturat e Profetit Muhamed.
Kjo nuk është hera e parë që Pakistani proteston për këtë ngjare, madje zemërimi është rritur më shumë ditët e fundit në lidhje me karikaturën e fundit të Profetit Muhamed, e cila u botua në kopertinën e parë të “Charlie Hebdo” pas sulmit në zyrat e saj nga ektremistët që vranë 12 persona më 7 janar.
Më parrulla, pankarta dhe flamuj të gjelbër në duar, rreth 5000 vetë marshuan në një nga rrugët kryesore në qendër të qytetit Karaçi.
Ngjyra e gjelbër nuk është e rastësishme, pasi besohet se ka qenë një nga të preferuarat e Profetit të shenjtë. Në kor dhe me zë të lartë, protetuesit këndonin:”Unë jam i pranishëm Profet i Perëndisë, dhe Vdekja është e pranueshme në shërbim të Profetit”.
Sarwat Ejaz kadri, kreu i partisë fetare sunite Tehreek, i pranishëm në tubim shprehet:
“Askush nuk duhet të kryejë akte terroriste me justifikim fenë, askush nuk duhet të fyejë ndjenjat e tjetrit, askush nuk duhet të prishë paqen në botë. Ne kërkojmë bojkotin e publikimeve sociale, të produkteve të tyre,në mënyrë që ata të kuptojnë se kanë dëmtuar paqen e botës “, thotë ai.
Kadri dhe të tjerë klerikë kanë udhëhequr protestën e organizuar nga disa grupeve fetare, pasi sipas tyre përshkrimi i Profetit Muhamed konsiderohet fyese nga myslimanët dhe karikaturat kanë shkaktuar shumë zemërim dhe ankth në radhët e konservatorëve pakistaneze.
Teksa protesta të mëdha priten edhe të premten, Asambleja Kombëtare e Pakistanit dhe Senati kanë miratuar rezolutë unanime kundër publikimit të karikaturave.
ora news