Titulli: Masakra në Berlin...
Sulmi në Berlin, policia shpall në kërkim një tunizian 24 vjeç
Policia gjermane është vënë në ndjekje të një tuniziani 24 vjeç, i quajtur Anis A., i cili dyshohet se ëhstë përfshirë në sulmin me kamion në Berlin. Lajmi bëhet i ditur nga shtypi gjerman, i cili raporton se është gjetur një dokument poshtë sedijes së shoferit të kampionit që përfshin edhe të riun.
Mediat saktësojnë që “hetuesit kanë gjetur një dokument dëbimi nga Gjermania”, të dhënë për “një tunizian me emrin Anis A.,, i lindur në vitin 1992 në Tataouine”.
Policia thotë se po kërkon Anis Amri, 21 vjeç, refugjat i cili mendohet se ka hyrë në Gjermani këtë vit dhe se dokumentet e tij u gjetën në kamion.
Policia beson se ai mund të jetë i armatosur dhe ‘shumë i rrezikshëm” dhe anëtar i një organizate të madhe islamike. Gjithashtu mendohet se ai i është nënshtruar një trajnimi për përdorimin e armëve
Më herët autoritetet gjermane liruan një person të arrestuar më parë, i cili u dyshua si autori i sulmit të përgjakshëm dhe kërkim po vazhdojnë me intensitet për të identifikuar terroristin.
Ish-i dyshuari, pakistanezi i identifikuar nga mediet gjermane si Naved B. kishte mohuar të kishte gisht në sulmin vdekjeprurës. Policia tha se nuk kishte gjetur gjurmë të tij në automjetin e krimit, ndaj dhe hodhën dyshime mbi përfshirjen e tij vetëm pak pas arrestimit që i bënë.
Pas lirimit të tij, zyrtarë të policisë pranuan se përgjegjësit e sulmit mund të jenë ende në arrati. “Askush nuk do të gjejë paqe derisa agresori apo agresorët të kapen”, tha ministri i Brendshëm gjerman, Thomas de Maiziere, për mediet gjermane.
Ndërkohë që përgjegjësinë për sulmin e mori përsipër organizata terroriste DEASH. Policia e Berlinit theksoi se ka pranuar 508 denoncime lidhur me sulmin por se aktualisht nuk dihet nëse vallë hetuesit janë në gjurmë të gjetjes së autorit. Më herët policia tha se dyshon në disa autorë dhe bashkëpunëtorë të tyre.
g.shqip
