Të paktën 43 persona humbën jetën, mes te cileve edhe dy pjesetare te forcave te sigurise, gjatë operacionit për të spastruar dy zonat, ku ndodhet kampet e mbështetësve te ish-presidentit Mohamed Mursi. Në tarracat e ndertesave ishin vendosur ushtarë që –sic raportojnë mediat ndërkombëtare- vunë në shenjestër sheshin.
Një gazetar i agjensisë France Press raportoi për 43 viktima pas numerimit te trupave te pajetë, në një morg të improvizuar në sheshin prane xhamise Rabaa al Adauija, I bllokuar fill pas rrëzimit të ish-presidentit. Televizioni Al Xhazira raportoi për 120 viktima, përfaqesuesit e “Vllazerise Myslimane” thonë se janë 250 persona të vrarë, ndersa Ministria e Shendetesise Egjiptiane hodhi poshte keto balance, duke folur për 6 viktima dhe 26 të plagosur. Ministria e Brendshme Egjiptiane kundershtoi se vdekjet mund te jene shkaktuar nga arme zjarri.
Autoritetet thane se sheshi Nahda, ne perendim te Kajros eshte spastruar nga protestuesit. Fillimisht u bllokuan te gjitha rruget qe conin prane sheshit, ku ishte ngritur njeri prej kampeve dhe me pas forcat e sigurise nisen te kontrollinin tendat, ku jane gjetur arme dhe municione. Forcat e sigurise arrestuan 150 persona te armatosur, mes te cileve edhe disa udheheqes te “Vllazerise Myslimane”, identetitet e te cileve nuk jane bere publik.
Përkrahësit e Mursit nuk kanë ndaluar për asnjë ditë, përgjatë 6 javeve protesten e tyre. Qeveria egjiptiane- për të shmangur protesta të tjera- në qytete të tjerë egjiptiane pezulloi trafikun hekurudhor nga Kajro apo drejt kryeqytetit egjiptian. Në Aleksandri, dhjetera njerez zbriten ne shesh, duke bllokuar qendren.“Vllazeria Myslimane” i drejtoi nje thirrje popullit për të zbritur në rrugë kundër kesaj masakre.
Mohamed Mursi, presidenti i pare i Egjiptit i zgjedhur ne menyre demokratike u rrezua dhe arrestua ne fillim te muajit korrik nga ushtria, e cila pas nje faze tranzicioni kërkon zgjedhje të reja. Prej kohës se rrezimit te mursit, te pakten 300 persona kane humbur jeten.
Top Channel
