Titulli: Karikaturat ne emer te Charlie Hebdo edhe viktimave te tjera
Asnjë pendesë për karikaturën e Profetit Muhamed në kopertinën sotme të revistës satirike “Charlie Hebdo”. Stafi i cili i mbijetoi masakrës së 7 janarit, shpjegoi me lot në sy kuptimin e karikaturës, numri i së cilës ishte sot në vëmendjen e të gjithë botës.
Të vendosur për të mos i dhënë fund, stafi i “Charlie Hebdo” janë shprehur se do ta vazhdojnë punën pavarësisht asaj që ndodhi.
Karikaturisti i Charlie Hebdo, Renald Luzies, i quajtur Luz, shpërtheu në lot gjatë një konference për mediet mbajtur një ditë para publikimit të revistës. Ai ishte fatlumi që arriti të mbijetonte nga sulmi, pasi ishte me vonesë në mbledhjen e ditës.
" Nuk kishte asnjë ide tjetër veç asaj së karikaturës së Profetit Muhamed, që mbante shkrimin “Unë jam Charlie”. Unë e pash, ai po qante dhe sipër tij shkrova “Gjithçka u fal”. Dhe fillova të qaja. Kjo ishte kopertina që bota mezi priste nga ne, nuk ishte ajo që bota kërkonte, por ishte ajo që ne donim. Nuk ishte ajo që donin terroristët, sepse nuk ka terroristë në të, është vetëm një njeri që qan. ثshtë Muhamedi. Dhe mua më vjen keq që e vizatuam sërish, por Muhamedi që vizatuam është një njeri që qan për të gjithë ne”, tha Luz ndërkohë nuk mundi t’i mbante dot lotët.