Megjithëse është një gjest i zakonshëm që për dashuri apo miqësi çdo njeri kryen në jetën e përditshme, opinionet për origjinën e këtij gjesti janë të ndryshme.
Shkencëtarët nuk kanë mundur të gjejnë një përgjigje përfundimtare për motivet që na kanë shtyrë drejt kësaj praktike të çuditshme; është fenomen natyror apo kulturor? اfarë reaksionesh bën të lindin në trupin tonë, që nga ekstremet deri në tru?
Ky gjest na bën të ndiejmë një reaksion shumë të fortë emocional dhe ka një kuptim evolutiv.
Kur Darwin deklaroi se njeriu ishte i vetmi që dinte të puthte, në realitet gaboi rëndë. Sot ne dimë që edhe kafshë nga më të ndryshmet kryejnë akte të ngjashme në mos të njëjta pra në njëfarë mënyre puthen.
Teoritë se si kjo praktikë u zhvillua tek njerëzit janë të ndryshme e të shumta.
Sipas shkencëtarit neurolog Ramachandran, të parët tanë të sugjestionuar prej ngjyrës së kuqe në gjueti për ushqimin, kanë aplikuar këtë instinkt edhe në anatominë femërore, duke kaluar nga zonat intime tek goja.
Një tjetër teori e lidh puthjen me periudhën e fëmijërisë dhe me “parapërtypjen” një metodë esenciale për të shkëputur fëmijët nga gjiri, që në kohët e hershme.
Shumë teori të tjera si ato të biologëve që mundohen të shpjegojnë fenomenin e puthjes me arsyen se e gjithë kjo bëhet sepse mikrobet tona mezi presin të kalojnë nga një njeri tek tjetri,nuk kanë arritur ti japin një përgjigje përfundimtare pyetjes fillestare, përse puthemi?
Shkencërisht është e provuar se në lojë hyjnë sigurisht impulset e trurit të cilët shtyjnë trupin tonë të prodhojnë një sërë neurotransmetuesish e hormone si dopamina, ositocina dhe serotonina.
Pra edhe pse mendojmë se kemi puthur princin e kaltër apo gruan ideale, në të vërtetë thjeshtë jemi manipuluar nga endorfinat e prodhuara nga ipotalamusi. Ndoshta nuk është shumë romantike por dashuria ka edhe një emër tjetër, epinefrina e njohur ndryshe dhe si adrenalina.
Nga dikush qe nuk puthet
burimi.gjithcka
Attachments
Last edited by a moderator:
