Arfenilla
Themelues i Forumit
Erdogan u ndal veçanërisht tek pabarazia ligjore dhe padrejtësitë e shkaktuara nga pesë shtetet me të drejtë vetoje në Këshillin e Sigurimit të OKB-së.
“Bota është më e madhe se pesë. Ju nuk mund ta dorëzoni fatin e 196 vendeve në mëshirën e këtyre 5 shteteve. Askush nuk ka të drejtë ta bëjë këtë gjë”, u shpreh Erdogan.“Në këto kushte, ne nuk mund të themi se në botë ka drejtësi”, shtoi lideri turk, duke nënvizuar se në OKB nuk ka asnjë vend me të drejtë vetoje, që përfaqëson myslimanët.
Presidenti Erdogan i kritikoi Kombet e Bashkuara edhe për qëndrimin e heshtur të organizatës ndaj masakrave të regjimit të Esadit në Siri. “Janë vrarë mbi 350 mijë njerëz. Rreth 7 milionë të tjerë jetojnë larg shtëpisë dhe katandisë së tyre, larg çdo gjëje që u përket. Megjithatë, dy vende anëtare të Këshillit të Sigurimit, Kina dhe Rusia, bëhen pengesë për zgjidhjen e problemit”, tha ai.
Po ashtu, duke sqaruar se kushtet e formuara pas Luftës I Botërore nuk mund të mbretërojnë më sot, Erdogan theksoi se kjo situatë duhet kapërcyer.B lajmi