Didi
C'est la vie.
Qindra mijëra katolikë romanë janë mbledhur në plazhin e Copacabana-s, në qytetin brazilian të Rio de Janeiro-s, për ceremoninë hapëse të festivalit të Ditës Botërore të Rinisë.
Kulmi i këtij festivali do të shënohet kur Papa Françesku të vizitojë atë gjatë ditës së enjte. Papa zbriti të hënën në Brazil, në vizitën e tij të parë jashtë Vatikanit, që kur u emërua në krye të Kishës Katolike Romane.
Vizita e tij është shoqëruar me masa të rrepta sigurie, pas disa javësh protestash kundër qeverisë dhe korrupsionit në Brazil.
Turma, mbrëmjen e së martës, në “Copacabana Beach”, kryesohej nga kryepeshkopi i Rio-s, Orani Joao Tempesta. Ai mirëpriti pelegrinët në këtë festival 5-ditor, që pritet të mbledhë rreth 1,5 milionë njerëz nga e gjithë bota.
Vetëm pak çaste para eventit, ka pasur një kaos në transport, pasi sistemi i metrove në Rio u ndal për pak kohë, për shkak të ndërprerjes së energjisë elektrike.
Papa, i cili është me origjinë argjentinase, nuk kishte asnjë event të planifikuar për të martën dhe kaloi kohën e tij në një rezidencë private.
Shumë veta patën mundësinë të ndalnin autokolonën e Papës, teksa udhëtonte përmes Rio-s, madje zgjatën edhe duart për ta prekur liderin e katolikëve në makinën e tij pa xhama.
“Sekretari i Papës më tha se ishte terrorizuar, por Papa vazhdonte të buzëqeshte”, bëri të ditur zëdhënësi i Vatikanit, Federico Lombardi, për reporterët.
Papa u prit në këtë vizitë zyrtare në ndërtesën e guvernatorit shtetëror, nga presidentja e Brazilit, Dilma Rousseff, të hënën.
Papa Françesku ka kritikuar planet për legalizimin e drogës në Amerikën Latine, gjatë inaugurimit të një klinike për të varurit nga droga në Rio de Janeiro.
Rrënjët e abuzimit me drogën duhen luftuar, tha ai në ditën e tretë të vizitës së tij në Brazil. Uruguaji është shumë pranë lejimit të shitjes ligjore të marijuanës, teksa vendet e tjera janë duke shqyrtuar liberalizime të ngjashme.
Më herët, Papa i lindur në Argjentinë, festoi meshën e parë të udhëtimit të tij, në faltoren (mauzoleun) e Zonjës së Aparecida-s. Ai paralajmëroi dhjetra mijëra besimtarë kundër “kalimit të idhujve” për para, pushtet dhe kënaqësi. Pas vizitës në Aparecida, në shtetin brazilian të Sao Paulo-s, Papa u kthye sërish në Rio de Janeiro.
Gjatë inaugurimit të klinikës së rehabilitimit të të droguarve, në spitalin e Sao Francisco, ai përqafoi disa ish-të varur nga droga dhe dëgjoi historitë e tyre.
“ثshtë e domosdoshme të luftohen problemet, që janë në rrënjët e abuzimit me drogën, duke promovuar më shumë drejtësi, edukim ndaj të rinjve me vlerat e të jetuarit në shoqëri, duke i qëndruar pranë atyre që hasin vështirësi dhe duke u dhënë shpresa për të ardhmen”, tha ai.
Papa Françesku foli gjithashtu kundër planeve të legalizimit të drogave në Amerikën Latine, veçanërisht në Kolumbi, Bolivi, Ekuador, liderët e të cilëve kanë folur për qëndrime më të buta ndaj politikave kundër drogave.
/ Top Channel