“Disneyland Paris”, celula e ISIS-it po përgatiste një masakër
Pesë të dyshuarit si terroristë të arrestuar fundjavën shkuar mes Strasbugut dhe Marsejës, në Francë, ishin efektivë të ISIS-it, të komanduar nga zona të luftës në Siri dhe Irak. Ata merrnin urdhra nga krerët e Shtetit Islamik me një shërbim mesazhesh të kriptuara. Policia thotë se të dyshuarit kishin shënjestruar “Disneyland”-in në Paris dhe tregjet e Krishtlindjeve në Champs-ةlysées.
Mbrëmjen e ndalimit, ata kishin shkarkuar aplikacionin “Pericope” që të lejon të filmohesh direkt përmes celularit.
“Celula, – ka nënvizuar prokurori i anti-terrorisimit, Fransua Mollins, – po përshpejtonte të kalonte në aksion në mënyrë më të shpejtë. Me siguri në ditët e para të dhjetorit”.
Të dyshuarit kishin bërë kërkime në internet për të individualizuar objektivat e sulmit: përveç parkut “Disney” të Parisit dhe tregjeve të Krishtlindjeve, ata kishin marrë informacione edhe për selinë e policisë penale në qendër të Parisit, departamentin e sigurisë së brendshme, një stacion metroje dhe kafeje në veri-perëndim të kryeqytetit francez.
Anëtarët e grupit janë arrestuar pas 8 muajsh hetime të shërbimeve sekrete. Në fillim ishin shtatë personat e arrestuar, pastaj dy u lanë të lirë. Në aksionin e policisë, janë sekuestruar edhe dy pistoleta, një automatik dhe material për propagandë xhihadiste.
g.shqip
Pesë të dyshuarit si terroristë të arrestuar fundjavën shkuar mes Strasbugut dhe Marsejës, në Francë, ishin efektivë të ISIS-it, të komanduar nga zona të luftës në Siri dhe Irak. Ata merrnin urdhra nga krerët e Shtetit Islamik me një shërbim mesazhesh të kriptuara. Policia thotë se të dyshuarit kishin shënjestruar “Disneyland”-in në Paris dhe tregjet e Krishtlindjeve në Champs-ةlysées.
Mbrëmjen e ndalimit, ata kishin shkarkuar aplikacionin “Pericope” që të lejon të filmohesh direkt përmes celularit.
“Celula, – ka nënvizuar prokurori i anti-terrorisimit, Fransua Mollins, – po përshpejtonte të kalonte në aksion në mënyrë më të shpejtë. Me siguri në ditët e para të dhjetorit”.
Të dyshuarit kishin bërë kërkime në internet për të individualizuar objektivat e sulmit: përveç parkut “Disney” të Parisit dhe tregjeve të Krishtlindjeve, ata kishin marrë informacione edhe për selinë e policisë penale në qendër të Parisit, departamentin e sigurisë së brendshme, një stacion metroje dhe kafeje në veri-perëndim të kryeqytetit francez.
Anëtarët e grupit janë arrestuar pas 8 muajsh hetime të shërbimeve sekrete. Në fillim ishin shtatë personat e arrestuar, pastaj dy u lanë të lirë. Në aksionin e policisë, janë sekuestruar edhe dy pistoleta, një automatik dhe material për propagandë xhihadiste.
g.shqip