Mesfushori i Kombëtares shqiptare, Lorik Cana e ka nisur me këmbë të mbarë aventurën e tij te Sandërlendi. Vetëm dy ditë pas prezantimit zyrtar te skuadra angleze, ka debutuar me fitore me fanellën e këtij ekipi. 26-vjeçari luajti në ndeshjen miqësore që Sandërlendi zhvilloi në transfertë kundër skuadrës skoceze Sëlltik. Ekipi i shqiptarit fitoi me shifrat 2-1. Mesfushori i Kombëtares së Shqipërisë në këtë përballje është aktivizuar në minutën e 62-të në vend të mesfushorit tjetër, Jordan Henderson. Mesfushori kuqezi javën e shkuar u transferua te skuadra e Sandërlandit nga Olimpik Marseja për një shumë prej gjashtë milionë eurosh. Ai me Sandërlendin ka firmosur kontratë 4-vjeçare, e cila do ta mbajë në stadiumin "Stadium of Light" deri në qershorin e vitit 2013-të. Cana te Sandërlendi do të jetë futbollisti më i paguar me pagë vjetore prej 2.5 milionë eurosh si dhe do të mbajë shiritin e kapitenit.
*panorama*
*panorama*