LeVoyageur
Once upon a time...
Me 4 trilionë dollarë në rezerva të huaja, në fonde të ndryshme sovrane të pasurisë, Kina ka shumë për të shpenzuar
Nga Richard Anderson, BBC
Pavarësisht ngadalësimit të GDP-së së fundmi, shumë nga ekonomitë e zhvilluara do e ëndërronin një rritje vjetore prej 7 përqind.
Nuk është çudi që investimet e Kinës jashtë vendit janë tetëfishuar dhjetë vitet e fundit, duke arritur në më shumë se 140 miliardë dollarë në vitin 2013.
Në mënyrë pak të habitshme, ka pasur një ngadalësim modest në vitin 2014, kryesisht për shkak të rënies në shpenzime në projektet e energjisë.
Megjithatë kjo është afatshkurtër për arsyen e thjeshtë se popullsia vazhdon të rritet dhe mbi të gjitha, për shkak se shpërthimi i klasës së mesme do të thotë se oreksi i përbindshëm i Kinës për resurse do të vazhdojë të rritet.
SHBA ka qenë marrësi më i madh i parave kineze në dekadën e fundit, kryeisht për shkak të shpërthimit të investimeve që prej vitit 2012- në këtë kohë të vitit të shkuar, Australia ishte destinacioni numër një për dhjetë vite.
Gjysmën e parë të vitit të shkuar, investimet në Britani u barazuan me ato në SHBA, pasi ky vend po çimentohet si favoriti i Kinës në Europë- me 24 miliardë dollarë të marra, më shumë se dyfishi i Francës, që mori 11 miliardë.
Kina ka bërë investime dhe ka nënshkruar kontrata në mbarë botën, por Afrika ka tërhequr kryesisht vëmendjen.
Kina, ekonomia e dytë më e madhe në botë, ka bërë binzes me 34 vende afrikane, me Nigerinë në krye me një ‘mal’ prej 21 miliardë dollarësh, pasuar nga Etiopia dhe Algjeria me 15 miliardë dhe Angola dhe Afrika e Jugut me 10 miliardë.
Arsyeja është e thjeshtë: burimet natyrore të Afrikës.
Kina ka nevojë për të plotësuar kërkesat për energji, që do trefishohen deri në vitin 2050.
Kjo është arsyeja pse investimet për energji kanë tejkaluar ndjeshëm fushat e tjera që nga viti 2005, me 400 miliardë dollarë në total për të siguruar energji për popullsinë e Kinës, aktualisht në nivelin e 1.4 miliardë banorëve.
Shteti kinez ka bërë investime të mëdha në kompani individuale dhe projekte, shumica e tyre në sektorin e energjisë.
Për shembull në vitin 2013 janë shpenzuar 15 miliardë dollarë në kompaninë kanadeze Nexen.
Edhe financat kanë tërhequr para të shumta nga Kina, me bankat Morgan Stanley dhe Standard Bank si marrësit më të mëdhenj të parave kineze.
Kina ka investuar po ashtu në disa emra shumë të famshëm në botë si IBM, Barclays deri tek Ford dhe General Motors.