Pe: ''Lajmi dites nga Shqiperia''
Fatos Nano: Dua te jem president
Më në fund, ajo që përflitej me vite të tëra për dëshirën e ish-kryeministrit Fatos Nano për t′u bërë president, tashmë është pranuar nga vet ish-kryeminsitri. Në një intervistë për Top Channel, ish-kryetari socialist, Fatos Nano konfirmon dëshirën e tij për t’u zgjedhur President i Shqipërisë.
Nano thotë se po kërkon partnerë nga të dyja krahët politikë, si dhe do normalitet me Partinë Socialiste. Ish–Kryetari i PS, komentoi më tej edhe zhvillimet politike në Shqipëri. Ai flet për mos marjen e statusit të vendit kandidat në Bashkimin Europian, rolin e qeverisë dhe opozitës në këtë proces, si dhe për marrëdhëniet e tij me PS. Zoti Nano ndodhet në Londër me ftesë të Institutit Evropian të Shkollës Ekonomike të Londrës, ku ka folur për Shqipërinë.
Në pyetjen e gazetarit, nëse ai ka vendosur të kandidojë për postin e Presidentit në zgjedhjet e vitit të ardhshëm, Z. Nano u përgjigj:
“Unë dhe oferta që ju e shprehet në mënyrën tuaj profesionale jemi aty, me angazhimin dobiprurës për më shumë inciativa dhe hapësirë bipartizane ose jopartizane, në politikën shqiptare dhe në komunikimin e saj me familjen evropiane, për të bërë të kundërtën e asaj që ka ndodhur për fat të keq, dy vitet e fundit, kur dhe kampet e majta dhe të djathta të Parlamentit Evropian, nisen të mbrojnë lojtarët respektivë, anëtarët përkatës të familjeve në debatin dhe konfliktin që solli ngërcin e njohur, që bllokoi dy herë rresht kërkesën e Shqipërisë, për t’u futur në rrugën e antarësimit të plotë. Dhe jam shumë i vëmendshëm, për të gjetur partnerët, në të dy kampet, që më në fund do ta bënin të qëndrueshëm prirjen që po shfaqet muajt e fundit, për të konkuruar me njëri-tjetrin, pa shkatërruar axhendën kombëtare të integrimit.//topnews.al
---------- Post added at 11:53 ---------- Previous post was at 11:51 ----------
2 mijë raste të dhunës në familje në një vit
Dhuna në familje vijon të mbetet një nga problemet kryesore të shoqërisë shqiptare. Numri i rasteve të dhunës së raportuar është shtuar ndjeshëm sa tani mund të flitet për situatë alarmante. Në një shkrim të publikuar në ‘Women News Network’, theksohet se sipas të dhënave zyrtare në vitin 2010 janë regjistruar 1.998 raste të dhunës në familje në krahasim me 1.217 raste në vitin 2009. Po ashtu, me rritjen e rasteve të dhunës është shtuar edhe numri i grave që po denoncojnë dhunuesit e tyre. Kështu, në vitin 2010 janë bërë 1.230 kërkesa për mbrojtje në gjykatë në krahasim me 841 të një viti më parë.
Ndërkohë në një konferencë të Akademisë së Policisë është diskutuar për këtë çështje. Ministri i Brendshëm, Bujar Nishani, ka deklaruar se duhen politika penale më të ashpra sa i përket dhunës në familje. Duke folur në konferencë, ministri Nishani ka theksuar se një politikë më e ashpër do të rrisë përgjegjësinë për çdo qytetar si dhe do të ndihmojë autoritetet në krijimin e kushteve mbrojtëse për të dhunuarat. “Ende jemi në kohë që të adresojmë me forcë dhe pa neglizhuar dhunën në familje. Edhe me kontributin e shoqërisë civile dhe medias duhet të trajtohet si një çështje, e cila është një element i rëndësishëm i prezantimit të mentalitetit të një shoqërie” ka theksuar Nishani.
Nga ana e tij Ambasadori i SHBA-së Aleksandër Arvizu ka deklaruar se dhuna në familje në Shqipëri mbetet shqetësuese ndërsa ka shtuar se kjo dhunë ka pësuar rritje kohët e fundit. Sipas tij kjo dhunë duhet adresuar pasi sipas tij ka një element kriminal dhe një element edukues që u duhet përcjellë njerëzve. “Publikimi i dhunës në familje duhet adresuar në mënyrë që familjet që po vuajnë prej saj të marrin ndihmën e duhur” ka theksuar Arvizu.
Një tjetër çështje që kërkon vëmendje sipas ambasadorit Arvizu është edhe dhuna me bazë gjinore që sipas tij duhet të trajtohet nga shoqëria shqiptare.//topnews.al
---------- Post added at 11:54 ---------- Previous post was at 11:53 ----------
Korçë, rrëmbehet vajza 11 vjeçare
Një ngjarje e paprecedentë ka ndodhur në qytetin e Korçës. Dy persona kanë rrëmbyer një vajzë 11-vjeçare me synimin për ta martuar me një të afërmin e tyre 15-vjeç. Ngjarja absurde ka për autor Dritan Ajredini, 25 vjeç dhe gruan e tij Entela Ajredini, 23 vjeç. Mësohet se çifiti ka rrëmbyer vajzën me inicialet E.T duke pasur si qëllim martesën e saj me nipin e tyre 15-vjeçar me inicialet G. A.
Kanë qenë fillimisht familjarët e vajzës ata që të alarmuar kanë bërë në polici denoncimin për zhdukjen e vajzës. Menjëherë kanë nisur hetimet dhe kërkimi nga policia. Të dhënat e para i kanë çuar forcat e rendit tek çifti që kishte marrë përsipër gjetjen e një nuses për nipin. Pas kthimit të vajzës në shtëpi ndaj çiftit Ajredini ka nisur procedimi në gjendje të lirë. Ata akuzohen për “heqjen e paligjshme të lirisë”.//topnews.al
---------- Post added at 12:01 ---------- Previous post was at 11:54 ----------
Fillon sulmi kunder shperndaresve te droges ne shkolla e lokale
Një operacion i policisë së Gjirokastrës i koduar “Shpërndarësi” bëri të mundur kapjen e 4 të rinjve të dyshuar si shpërndarës droge.
Të rinjve iu gjet dhe sekuestrua 5 kilogramë e 500 gramë lëndë narkotike e llojit marijuanë.
Mbrëmjen e djeshme pas disa informacioneve të marra, se disa shtetas nga Cërriku i Elbasanit dhe një tjetër nga Vlora të cilët kishin ardhur ditët e fundit në Gjirokastër dhe ishin strehuar me qera në banesa të përshtatura si hotele, kishin blerë në fshatin Lazarat sasira të konsiderueshme lënde narkotike dhe po përgatiteshin për ta transportuar në drejtim të Cërrikut dhe Elbasanit me qëllim shpërndarjen në sasira të vogla në ambiente shkollash dhe lokale nate, vunë në lëvizje uniformat blu.
Burime zyrtare nga policia e Gjirokastrës bëjnë me dije se menjëherë pas kësaj nisën kontrollet në disa banesa të përshtatura si hotele në qytetin e Gjirokastrës ku nga kontrolli ka rezultuar se në lagjen Grihot të qytetit në një godinë dy katëshe në një dhomë ku banonin me qera Bernard اunaj nga Vlora, Vladimir Rabushja nga Cerriku që të dy 18 vjeç dhe Saimir Metani po nga Cerriku 19 vjeç, u gjetën dy pako me peshë të ndryshme në formë katrore të mbështjella me letër natriban si dhe një qese plasmai tjetër ku brenda tyre kishte lëndë narkotike, gjithsej rreth 4 kg e 200 gramë marijuanë.
Menjëherë pas kësaj tre të rinjtë u prangosën dhe u sekuestrua lënda narkotike.
Një tjetër kontroll u zhvillua në lagjen “Kodra e Shtyfit” ku në një banesë private të përshtatur si hotel, në dhomën ku qëndronte me 23 vjeçari Klodian Sinandemaj nga Cerriku, i njohur me nofkën “Pulla” në një çantë sportive poshtë krevatit ku flinte u gjetën disa qese plasmasi ku brenda tyre kishte lëndë narkotike e llojit Mariuanë gjithsej rreth 1 kilogramë e 300 gramë.
Nga verifikimet e bluve gjirokastrite, Sinandemaj rezultonte i shpallur në kërkim për vjedhje makinash.
Në vijim materialet në ngarkim të katër të arrestuarve iu drejtuan Prokurorisë së Gjirokastrës për veprën penale “Prodhim dhe shitje e lëndëve narkotike”.//topnews.al