Dimri i gjatë e temperaturat e ulëta ndikojnë jo vetëm në psikologjinë, por edhe në mënyrën si makeup-i qëndron në fytyrën tonë. Ne ju sugjerojmë disa këshilla për t'iu ardhur në ndihmë për këtë pranverë, të cilat bëhen të nevojshme me rritjen e temperaturave, në mënyrë që të dukeni më bukur dhe të kujdeseni për lëkurën tuaj.
1).Sytë e sfumuar
Sytë e sfumuar me tone të lehta, do të mbeten IN edhe për këtë pranverë, por kujdes një sfumimi të mirë i duhen tre nuanca të toneve të ngjyrës që ju vendosni të përdorni, në mënyrë që syri të marrë formë perfekte.
2).Buzëkuqët e errët
Me rritjen e temperaturave, ne zakonisht tentojmë të hedhim buzëkuqët tanë më të errët, por këtë pranverë mos e bëni këtë gabim. Ngjyrat e errëta të kumbullës dhe qershisë do të jenë IN, dhe ndoshta më të guximshmet e sezonit.
3).Highlighter
Mania e theksuar e vitit 2017, do të ringjallet edhe këtë vit. Një highlighter perfekt duhet t'i përmbajë nuancat me shkëlqim në gold, pavarësisht nga toni juaj i lëkurës.
