Sinjali 5G shkakton koronavirus?! Dëmtohen antenat në Europë, peticione në disa shtete

Një nga teoritë konspirative më të përhapura, por edhe më lehtë për t’u hedhur poshtë mbi virusin Corona është që COVID-19 në të vërtetë shfaqet për shkak të sinjalit 5G. Kudo në Europë janë bërë peticione kundër 5G.

Megjithë faktin, që virusi Corona përhapet pavarësisht nga antenat e transmetimit 5G, në Europë kudo janë dëmtuar antena të tilla. Në Britaninë e Madhe u dëmtuan 60 antena, kudo janë bërë peticione kundër tyre. Kurse Martin Mihailov filloi në Bullgari aksionin “Stopp 5G Bulgaria”, duke mbledhur online disa mijëra nënshkrime. Edhe këtu bëhet thirrje për ndalimin e zgjerimit të 5G, sepse ky sinjal shkakton shumë sëmundje e probleme psikike, pa përmendur Coronën. Megjithëse pandemia e ka bllokuar zgjerimin e rrjetit 5G kudo në botë, debatet për standardin e sinjalit të rrjetit 5G morën një kthesë të re. Por çfarë është 5G e pse diskutohet me kaq zjarr, si po e shtrin atë aktualisht Europa Juglindore?

53522042_401.jpg
5G: Rrjet i shpejtë me dimensione gjeopolitike


5G do të thotë „brezi 5″ i rrjetit mobil. Ndryshe nga paraardhësit, lidhjet e shkëmbimet e të dhënave mes aparateve, antenave dhe serverave janë më të ngushta e më të harmonizuara. Me 5G do të jetë e mundur që aparatet të lidhen e komunikojnë më shpejt me njëri-tjetrin. 5G është simbol i “internetit të objekteve”, ai qëndron për lëvizjen autonome, rrugë të reja në prodhimin industrial dhe internet shumë të shpejtë.

Ndryshe nga 3G e 4G, 5G është si paketë e përgjithshme, ofrues të caktuar dhe prodhues nuk mund të merren vetëm për sektorë jokritikë e të përjashtohen nga të tjerat. Kush ka 5G brenda, ka potencialisht qasje kudo. Ndryshe nga paraardhësit, 5G bëhet pjesë e „infrastrukturës kritike (KRITIS). Shkurt: Kush është i lidhur me 5G, nuk mund të jetë më pa të. Kritike bëhet situata, nëse ky sinjal prishet ose dikush ia del të futet në rrjet e të vjedhë të dhëna.

Rëndësia gjeopolitike dhe ekonomike


Daniel Voelsen nga fondacioni i Berlinit „Shkenca dhe Politika” thotë, se kjo është arsyeja, pse 5G ka ndezur kaq debate. Në fokus të tyre gjigandi kinez i rrjetit mobil, Huawei dhe pyetja, nëse duhen lejuar komponentë të Huaweit të përdoren për zgjerimin e rrjetit 5G. Në të gjithë botën elementë të nevojshëm të rrjetit 5G prodhohen vetëm nga pak firma: Firmat europiane Nokia dhe Ericsson, Samsungu koeranojugor dhe Huawei kinez e ZTE. Huawei përflitet për lidhje të ngushta me shërbimet sekrete kineze dhe Partinë Komuniste. SHBA, por edhe Kanadaja, Polonia apo Australia ngrenë madje akuza spiunazhi kundër këtij koncerni. Presidenti i Shërbimit Informativ Gjerman, BND, Bruno Kahl në tetor paralajmëroi që një koncern të mos marrë pjesë në infrastrukturën mobile të transmentimit të të dhënave, kur nuk i besohet plotësisht. Vetë koncerni nuk i pranon akuzat.

51842949_401.jpgEric Xu, kreu i Huaweit në një ceremoni në Shenzhen -Huawei zotëron teknologjinë e 5G por ka dyshime e kritika për përdorimin e saj në Europë
5G nuk ka vetëm një dimension të politikës së sigurisë, por edhe gjeopolitik. Nëse Huawei bëhet furnizues i komponentëve të 5G për Europën dhe botën, pozicioni i koncernit në botë si lider në treg do çimentohej me dekada. Nën këtë superfuqi të koncernit do të vuanin jo vetëm ofruesit europianë, por edhe gjigandë amerikanë si sistemet Cisco. Pak gjasa do kishte që për gjeneratën 6g pastaj të kishte debat për ofrues të ndryshëm. Për BE e Europën ka edhe një disavantazh tjetër. Industria digjitale do të mbetej shumë prapa Kinës. Që tani Eriscon dhe Nokia nuk konkurrojnë dot me çmimet kineze.

5G në Europën Juglindore

Çështjet bazë që diskutohen në lidhje me 5G prekin edhe Europën Juglindore. Por në shtetet e dobta dhe ekonomikisht jo në gjendje të mirë, presioni gjeopolitik dhe ekonomik nga Europa, Kina dhe SHBA është më i ndjeshëm. Në të gjitha vendet europianojuglindore, ambasada e SHBA publikoi në faqen e saj të internetit, thirrje të hapura që kërkojnë përjashtimin e konkurrentëve kinezë. Përkundër kësaj, BE ia ka dalë që rregulloret për të këtë t’i kthejë në duart e vendeve anëtare.

Firma konsultuese e Luksemburgut incities, që punon me Komisionin Europian dhe PE, publikoi një dokument – indeks për të gjitha vendet europiane dhe përgatitjet që po bëjnë ato. Në një kohë që Finlanda ndodhet në vend të parë, Gjermania zë vendin e 8. Vendet e Europës Juglindore renditeshin nga vendi i 28 – Qiproja, deri në të 34-n Shqipëria, Bosnja-Hercegovina zinte vendin e 36. Jo shumë e habitshme, por studimi tregoi se përgatitjet për 5G varen nga fuqia ekonomike e vendeve.

Shqipëria

Në Shqipëri nuk ka as lidhje funksionuese 5G dhe as një datë për të filluar me të. Problemi është se frekuencat e nevojshme për 5G janë të mbizëna. Qasje aty ka vetëm Telekom Albania dhe Vodafone Albania. Vodafone në nëntorin e kaluar bëri një demonstrim publik të 5G në Shqipëri në prani të kryeministrit Rama e shtypit. Vodafone Albania përdori për këtë komponentë kinezë për shkak të lidhjeve të ngushta të koncernit mëmë Vodafone me Huawein. Këtë e kritikoi Ambasada e SHBA-së e prej atëherë u ndërprenë të gjitha planet. Si dhe kur do të ketë në Shqipëri sinjal 5G pa pjesëmarrje kineze, kjo nuk dihet.

Bosnja

Edhe në Bosnje nuk ka 5G. Në këtë vend lidhja 4G u shtri vetëm vitin e kaluar në të gjithë vendin. Në Sarajevë nuk ka deklatata publike lidhur me përdorimin e komponentëve të Huaweit, sepse operatorët Mtel, HT, Eronet, dhe BH Telekom kanë arritur vetëm së fundmi standardin aktual.

Bullgari

Bullgaria që tradicionalisht ka pasur komunikim të mirë digjital, ndjek në lidhjen 5G një plan ambicioz. Në korrik 2020 do të mbahet tenderi për frekuencat 5G. Planifikohet që në fund të këtij viti apo vitin e ardhshëm të ketë futje në treg të 5G. Megjithë paralajmërimet e ambasadës amerikane nuk ka përjashtim të koncernit kinez.

Nëse ky vend vërtet do të dalë në krye të instalimit të 5G, nuk dihet. Krahas krizës së Coronës që ka ndryshuar shumë gjëra në Europë, një pjesë e frekuencave janë bllokuar nga ushtria bullgare.

Greqia

Edhe Greqia kërkon të fusë në vitin 2021 sinjalin 5G. Në fund të këtij viti pritet të bëhet tenderi për frekuencat. Për një kohë të gjatë qeveria greke nuk shprehej për përdorimin e teknologjisë kineze. Megjithatë në projektet-pilot u përdor teknologjia e Huaweit. Por në mars, Eriscon mori shtesë ekskluzive nga operatori Cosmote për zgjerimin e 5G.

Kroacia

Edhe Kroacia bën pjesë tek vendet që në vitin 2021 duan të fusin në të gjithë vendin sinjalin 5G. Që këtë vit Osijek në perëndim të Kroacisë pritet të pajiset i gjithi me sinjalin 5G. Frekuencat e para janë dhënë ndërkohë nga rregullatorët shtetërorë. Por dhënia e frekuencave të tjera ka nevojë ende për sqarime ligjore. Edhe në Kroaci u debatua për Huawein, por nuk pati përjashtim të tij. Në këtë vend operatorët mobilë pane si zgjidhje e partneritetet individuale.

51642549_401.jpgTeknologjia 5G do të revolucionojë industrinë edhe më tej
Mali i Zi

Në vendin e vogël në Adriatik megjithë Coronën ka pasur zhvillime në drejtim të sinjalit 5G. Darko Grgurovic, drejtori i Agjencisë për Komunikimin Elektronik dhe Postën, thotë se rregullatorët shtetërorë do të publikojnë këtë vit strategjinë 5G dhe tenderin për frekuencat 5G në gjysmën e dytë të vitit 2021. Për shkak të bashkëpunimeve ekzistuese dhe mospërjashtimin e përgjithshëm të teknologjisë kineze ka gjasa të ketë përdorim të kësaj teknologjie. Plani është që sinjali 5G të shtrihet në vend në fund të vitit 2022.

Maqedonia Veriore

Maqedonia Veriore është po ashtu pa sinjal 5G. Data e planifikuar për këtë është e largët, viti 2027. Shkupi megjithatë pritet të ketë sinjal 5G në fund të vitit 2023. Këtë qeveria e vuri si kusht për pjesëmarrjen në tenderat që pritet të mbahen deri në fund të vitit 2020.

Rumania

Plani i qeverisë i dhjetorit 2019 parashikonte që të fillohej me shtrirjen e sinjalit 5G në Rumani në vitin 2020. Por që atëherë nuk është ecur përpara me kuadrin ligjor në këtë drejtim. Edhe një datë për dhënien e frekuencave nuk ka. Në vitin 2019 qeveria rumune ka mbyllur një memorandum sekret me SHBA për zhvillimin e rrjeteve 5G. Këtu mendohet se bëhet fjalë për përjashtimin e Huaweit. Ky koncern, që ka marrë pjesë mjaft në zgjerimin e 3G dhe 4G u përpoq të bëjë presion tek qeveria përmes kostove në disa miliarda euro, që do të ofroheshin si faturë, nëse zëvendësoheshin komponentët e Huaweit. Qeveria rumune e shtyn që atëherë një vendim përfundimtar.

51475751_401.jpg
Serbia

Në Serbi 5G ndodhet në fazën testuese. Koncerni norvegjez Telenor ngriti në qershor 2019 stacionin e parë 5G në Universitetin e Beogradit. Telenor ka hequr dorë nga komponentë të Huaweit, bëjnë të ditur mediat, e në vend të kësaj përdor komponentë të ofruesit suedez, Ericsson. Por ky qendrën e prodhimit e ka në Nanjing, në Kinë. Ende është e paqartë, kur dhe cilët ofrues të tjerë të 5G do të ketë në Serbi. Tenderi për frekuencat u shty pa datë për shkak të krizës së Coronës. Por për shkak se Serbia është e lidhur ngushtë me Rusinë dhe Kinën, sidomos në sektorin e sigurisë, duket se ka pak gjasa që për pjesëmarrjen kineze në rrjetin 5G të vihen kushte të veçanta.

Konkluzioni

Zhvillimi i 5G në Europën Juglindore nuk është në fokusin e pjesës tjetër të kontinentit. Çështjet kryesore në këto vende nuk dallojnë nga ato që preokupojnë vendet e tjera europiane. Në vend të kësaj ato janë të lidhura ngushtë me vendimet në Gjermani apo Austri. Bashkëpunimi afatgjatë i Deutsche Telekom apo A1 në Austri me Huawein e bën gati të pamundur për shumë vende të Europës Juglindore që të heqin dorë nga ofruesi kinez. E qartë është po ashtu: vendet e Europës Juglindore nuk mund t’i rezistojnë dot aq presionit të fuqive të mëdha botërore si Kina, Rusia apo SHBA. Që tani mënyra si veprohet nuk është e njësuar dhe nuk dallon nga pjesa tjetër e kontinentit.

ABC News
 

Attachments

  • 53522042_401.jpg
    53522042_401.jpg
    20 KB · Shikime: 0
  • 51842949_401.jpg
    51842949_401.jpg
    41.4 KB · Shikime: 0
  • 51642549_401.jpg
    51642549_401.jpg
    62.5 KB · Shikime: 0
  • 51475751_401.jpg
    51475751_401.jpg
    22 KB · Shikime: 0
  • 53522042_401.jpg
    53522042_401.jpg
    20 KB · Shikime: 0
  • 51842949_401.jpg
    51842949_401.jpg
    41.4 KB · Shikime: 0
  • 51642549_401.jpg
    51642549_401.jpg
    62.5 KB · Shikime: 0
  • 51475751_401.jpg
    51475751_401.jpg
    22 KB · Shikime: 0
Nuk besoj qe do sjell ndonje ndryshim te madhe 5G per sa i perket vete shpejtesise se teknollogjise.
Biles flitet se 4G ska dal sic pritej,gjithashtu flitet qe shkakton dhe deme shendetsore.
Tani ne fakt per tu shqetesuar pak eshte,sepse kur komunikimi behet ne nje stad aq te larte teknollogjik,sigurisht qe fushat magnetike dhe valet mes tyre,s`do shume mend qe do kene dukuri ansore mbi organizmin njerzore.
Mos te harrojme se 20 vjecarin e fudnit,shumica e njerzve vuajne nga alergjite e syve,fytit dhe dhimbje koke.
shenja te pasterta keto qe kane te bejne si me ndotjen e ambjentit,si me ndotjen radioaktive te atmosferes ku jetojme.
E pse jo nje nder keto jane e rrjetet shtrijeve te ketyre G-ve.
 
Një gjë është e sigurtë, se kjo teori konspirative nuk qëndron.
Së pari, sipas Lars Dittmann, profesor në Universitetin Teknik të Danimarkës, debati mbi 5G është plotësisht histerik për momentin. 5G nuk ofron fusha elektromagnetike më të fuqishme se rrjetet e mëparshme. Asnjë nga studimet e mëdha, solide, të bëra, nuk tregon që teknologjia duhet të jetë e dëmshme për shëndetin.

Kjo është e gabuar, vazhdon ai. Rrjeti 5G nuk rezulton në rrezatim elektromagnetik më të fuqishëm në mjedisin tonë sesa më parë.
Në të kundërtën: kur rrjeti 5G të jetë shpalosur, ne jemi të ekspozuar ndaj rrezatimit elektromagnetik më të dobët se sot.

Këtu është shpjegimi: Plani është që me kalimin e kohës, më shumë antena (të quajtura gjithashtu mjeshtra celular) do të vendosen kur rrjeti 5G do të shpaloset.
Kështu, antenat do të jenë më afër njëra-tjetrës. Kjo do të thotë që valët e radios duhet të shpenzojnë më pak energji duke transmetuar tinguj dhe imazhe nga një vend në tjetrin. Sa më pak energji, aq më i dobët lëshohet rrezatimi elektromagnetik.
"Nuk ka shumë të ngjarë që rrezatimi të dëmtojë shëndetin tonë," thotë Lars Dittmann.

Tani, sa janë shanset që 5G të shkaktojë korona virus?
Aq sa dihet shkencërisht, Corona është Zoonose, e familjes Coronaviridae, pjesë e Nidovirales.
Koronavirusi është një virus ARN. Kjo do të thotë që materiali gjenetik i bartur nga virusi përbëhet nga ARN, e cila është një fije e vetme e bazave që, me ndihmën e enzimave të duhura, mund të bëjnë që një qelizë të bëjë proteina të caktuara dhe grimca të reja të virusit. »Kur viruset bëjnë mutacione, ato shkaktohen nga 'gabime të rastësishme' kur kopja e ARN-së kopjohet dhe bëhen grimca të reja të virusit. Shumica nuk kanë asnjë domethënie. Quhet mutacion i hapur. Disa mund të japin përparësi ndaj viruseve, dhe më pas ata mund të mbizotërojnë, "shpjegon profesori i Virologjisë Allan Randrup Thomsen nga Universiteti i Kopenhagës në Videnskab.dk
Marrë parasysh faktet më lartë, mbetet pra teori konspirative.
 
Një ekspert per ket punen e 5G i ftuar ke Fevzo thoshte qe valet rrezatuese te 5G jane edhe me pak te demshme se vete 4G. Kishte nje pajisje qe e maste dhe thoshte jam gati te sfidoj kedo qe ka dyshime.

Sdi cte besoje njeriu??
 
Një ekspert per ket punen e 5G i ftuar ke Fevzo thoshte që valet rrezatuese te 5G jane edhe me pak te demshme se vete 4G. Kishte një pajisje që e maste dhe thoshte jam gati te sfidoj kedo që ka dyshime.

Sdi cte besoje njeriu??
Llogjikisht smund te jete e vertete.
Si mundet te jete me e demshme 4G se 5G
Kur per 5G duhet perforcim i antenave, shtimi i tyre e te gjitha perkthehen ekspozim me 2 fish a mos me shume ndaj rrezatimit.
 
Llogjikisht smund te jete e vertete.
Si mundet te jete me e demshme 4G se 5G
Kur per 5G duhet perforcim i antenave, shtimi i tyre e te gjitha perkthehen ekspozim me 2 fish a mos me shume ndaj rrezatimit.

Shume e thjeshte.
Marrim shembullin e nje tv me kurriz dhe nje smart tv, kush ka me shume rrezatim ??
 
na mbyten keto teorite konspirative..sidomos kete vit
Tani qe teknologjia digitale ka ndikim tek ne..kjo sdo mend
Sa per temen e korona virusit i budallik e gjys.
Nese rrezatimi ndikon ne organet vitale, nuk mund te jete ne formen e nje virusi
Mendoj
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top