Rama mori timonin, varfëria u shtua, shqiptarët ikin

0a59498c-f555-4144-98df-92c3fd89c79c.jpg
Sipas një ankete të INSTAT në dhjetëvjeçarin e fundit janë larguar 360 mijë persona, ose 13 për qind e totalit të popullsisë. Fluksi më i madh i ikjeve është vënë re në pesë vitet e fundit, ku në vitin 2015 u regjistruan si azilkërkues në Evropë 67 mijë persona nga Shqipëria. Tirana mban numrin rekord të ikjeve. Brenda këtij harku kohor kanë braktisur kryeqytetin 10 për qind e familjeve, ku shumë prej tyre janë me arsim të lartë. Shqipëria po zbrazet me ritme të shpejta, dhe shqiptarët po preferojnë gjithnjë e më shumë ta braktisin vendin e tyre me gjithë familje, ku pesëvjeçari i fundit që nga viti 2015 ka pasur rritje të frikshme. Një anketë e zhvilluar nga INSTAT, dhe e siguruar nga revista monitor, jep një panoramë të qartë mbi atë çka po ndodh me emigrimin e shqiptarëve.



Anketa vlerëson se që nga viti 2011 deri në vitin 2019, janë larguar 49.500 familje shqiptare, ose 6,6 për qind e totalit të vendit, rreth 2.2 për qind më shumë se dhjetë vjet më parë, 2000-2011. Duke llogaritur dhe personat që janë larguar individualisht, shifra shkon në 360 mijë persona, ose 13 për qind e popullsisë. Vetëm Tirana ka humbur sipas anketimeve 10% të familjeve në rang qarku. Raporti vëren se gjithnjë e më shumë vijon të jetë në rritje dhe emigrimi i personave më arsim të lartë. Fluksi më i lartë i largimeve ka qenë përgjatë viteve, 2015, 2016, 2017, 2018 dhe 2019 ku fluksi arriti kulmin në 2015-ën, ku u regjistruan për azil në Evropë nga Shqipëria 67 mijë persona. Shkaku kryesor që të anketuarit rendisin për emigrimin e tyre është varfëria. Më poshtë lexoni shkrimin e plotë të Monitor


lg.php
Emigracioni, po ikin familjet

Nga Blerina Hoxha




Shqipëria është duke përjetuar zhvillime alarmante në humbjen e popullsisë, për shkak të emigracionit të lartë. Edhe pas tri dekadash nga ndryshimi i sistemit, flukset emigratore janë të larta, duke e vënë perspektivën e zhvillimit të vendit në një rrugë pa krye. Shifrat zyrtare tregojnë se gjatë vitit 2011-2019 janë larguar nga vendi mbi 360 mijë persona, ose 13% e popullsisë banuese në vitin 2011. Rezultatet dolën nga anketa e madhe e emigracionit që zhvilloi INSTAT, në bashkëpunim me donatorët në rreth 20 mijë familje vitin e kaluar (prill-korrik 2019). Anketa ka zbuluar një fakt të frikshëm në dekadën e kaluar, pasi fenomeni është zgjeruar në emigrimin e së gjithë familjes.


Gjatë 10-vjeçarit të fundit janë larguar nga vendi 6,6% e familjeve, gjithsej 49,500 të tilla, ndërsa në vitet 2001-2011 ishin larguar 4.4% e njësive familjare. Në totalin e familjeve të larguara jashtë, numrin më të madh e ka Tirana, ku raportohet se janë larguar 10,3% e totalit të qarkut, ndërsa qarqet me humbjet më të mëdha të popullsisë janë Kukësi dhe Tropoja në Veri, Durrësi dhe Elbasani në qendër dhe Fieri në Jug. Anketa ka zbuluar se kushtet ekonomike, duke përfshirë varfërinë, papunësinë dhe nënpunësimin, të ardhurat e ulëta nga punësimi, kushtet e vështira të jetesës, mbrojtja e kufizuar sociale dhe borxhet janë faktorët kryesorë për emigrantët shqiptarë.

Përveç këtyre faktorëve bazë, një tjetër shtysë është e ardhmja e fëmijëve. Përveç tyre, ka edhe të tjerë faktorë, si mangësitë dhe cilësia e ulët e shërbimeve të kujdesit shëndetësor, strehimi, konfliktet dhe siguria fizike që shkaktojnë stres të vazhdueshëm psikologjik, përfshi cilësinë e ulët të arsimit. Për disa nëngrupe (p.sh. romët dhe egjiptianët), një faktor shtesë është diskriminimi. Pjesa dërrmuese e personave që emigrojnë janë të rinj, ndërsa 14% e tyre ishin me arsim të lartë. Largimi i burrave ishte 200% më i lartë se ai i grave. Që në fillim të viteve 1990, migracioni ndërkombëtar dhe ndikimi i tij ekonomik, politik e shoqëror mbeten çështje thelbësore në Shqipëri.

Shqipëria është mes vendeve kryesore në botë për shkallën dhe intensitetin e migracionit ndërkombëtar. Ndërkohë, kërkimi i azilit është një dukuri relativisht e re për vendin dhe ka nisur të raportohet në statistikat evropiane që prej fillimit të udhëtimit pa viza në zonën e Schengen-it. Nga viti 2010 deri në shtator të vitit 2019, rreth 193 000 shtetas shqiptarë u regjistruan si azilkërkues për herë të parë në vendet e BE-së. Dukuria arriti pikën kulmore në vitin 2015, kur kërkuan azil rreth 67 000 shtetas shqiptarë, për t’u ulur më tej, si rezultat i procedurave të përshpejtuara të shqyrtimit të kërkesave të azilit, rregullave më rigorozë të migracionit dhe normave më të ulëta të pranimit. Përveç emigracionit jashtë, edhe 200 mijë persona kanë migruar brenda vendit.

Tirana humb 10% të familjeve
Gjeografia e emigracionit në dekadën e fundit ka prekur edhe qarqet me nivelin më të lartë të jetesës siç është Tirana, Fieri dhe Durrësi, ku të ardhurat mesatare të familjeve janë përgjithësisht mbi mesataren kombëtare. Anketa ka gjetur se, qyteti i Shkodrës pati nivelin më të lartë të emigracionit në raport me popullsinë e qarkut. Gjatë periudhës 2011-2019, ka emigruar 16.7% e popullsisë së qytetit, rreth 36 mijë persona, nga të cilët 15,700 janë emigrime familjare. Pas Shkodrës, Fieri renditet i dyti për nivelin e lartë të emigracionit në raport me popullsinë. Në dekadën e fundit ka emigruar nga Qarku i Fierit 15,5% e popullsisë, ku 5% e tyre ishin të grupuar në familje.

Nga Qarku i Fierit, i cili është dyti për nivelin e lartë të jetesës pas Tiranës, janë larguar mbi 48 mijë persona. Vendin e tretë e zë Qarku i Durrësit, i cili ka humbur 14.1% të popullsisë në dekadën e kaluar, ku popullsia është pakësuar me mbi 37 mijë persona. Tirana zë vendin e katërt për nivelin e lartë të emigracionit në total. Popullsia e Qarkut të Tiranës është pakësuar me 13.7%, ose me 102 mijë persona gjatë 2011-2019, por 77 mijë persona kanë migruar të grupuar në familje. Anketa ka zbuluar se Tirana ka emigracionin më të lartë të njësive familjare krahasuar me qarqet e tjera. Gjatë periudhës, 10.3% e familjeve të qarkut kanë emigruar. Në vend të pestë për emigrim të lartë vjen Elbasani, ku ka emigruar 12.5% e popullsisë banuese e regjistruar më 2011, ku 5.2% e tyre ishin të grupuar në familje.

Në vendin e gjashtë, Qarku i Kukësit i cili ka humbur në emigrim 12.4% të popullsisë gjatë dekadës, më shumë se 10 mijë persona, por ky qark është prekur shumë edhe nga migrimi brenda vendit i popullsisë. Norma më të ulëta të emigracionit kishin Qarku i Lezhës, Korçës dhe Gjirokastrës, të cilët humbën përkatësisht 7, 9,6 dhe 9.2% të popullsisë. INSTAT gjeti se një numër i përgjithshëm prej 67,535 emigrantësh kishte ikur nga 1 janari 2018 deri më 15 korrik 2019. Më tej, 360 699 persona kanë emigruar që nga viti 2011 dhe përbëjnë numrin total neto të emigrantëve për periudhën 2011-2019, vë në dukje studimi. Sipas anketës, fluksi emigrator mbizotëronte kryesisht mes familjeve që kanë emigruar tërësisht. Kësisoj, 6,6% e familjeve që emigrojnë në tërësi përbëjnë 6,5% të popullsisë totale të regjistruar më 2011.

Ndërsa emigrantët që kanë emigruar veçmas pa familjen zunë 15.5% të emigranteve gjithsej gjatë 2011-2019 dhe shënuan një fluks dalës prej 6,4% të popullsisë. Tirana është rast i veçantë, ku 10,3% e të gjitha familjeve që kanë emigruar tërësisht ose 10,4% e popullsisë, janë larguar nga prefektura. Në të njëjtën kohë, përqindja e emigrantëve nga familje me emigrim të pjesshëm ishte tri herë më e ulët në Tiranë. Edhe për dekadën e kaluar, flukset më të mëdha që u vrojtuan ishin drejt Greqisë, Italisë dhe Gjermanisë. Për të gjitha destinacionet, anketa gjeti se, 120,754 persona u larguan për në Itali dhe nuk ishin kthyer deri në vitin 2019. Greqia priti 92,159 emigrantë dhe 40,468 u larguan për në Gjermani. Pjesa tjetër ndahet mes vendesh të tjera.

Shteron forca e punës
Nga të 360 mijë personat që janë larguar nga vendi, shumica e tyre janë në moshë pune. 160 mijë persona ishin në grupmoshën 15-65 vjeç, ndërsa 12 mijë ishin të mitur, nën moshën 15 vjeç. Për 183 mijë emigrantë të tjerë, mosha mbetet e panjohur, por shumica e tyre kanë qenë në moshë pune, duke parë trendin e përgjithshëm. Nga personat që kanë emigruar vetëm dhe jo me familjet, emigracioni ka qenë më i përhapur te grupmosha 20-29 vjeç, pjesa më produktive e popullsisë së re në moshë. Te personat që emigruan vetëm dhe jo me familjet, emigracioni i burrave ka qenë shumë më i lartë se ai i femrave. Për grupmoshën 20-29 vjeç, emigrimi i meshkujve ishte tre herë më i lartë se ai i femrave po në këtë grupmoshë. Përgjithësisht, emigracioni është i përqendruar në popullsinë në moshë pune, kryesisht nga 15-65 vjeç dhe flukset më të larta shihen në grupmoshat nga 20 në 40 vjeç. Në të gjitha grupmoshat, meshkujt kanë emigruar më shumë se femrat. Popullsia në moshë pensioni ka pasur një numër më të paktë emigrantësh në raport me totalin.

53% e të ikurve me arsim të mesëm dhe të lartë
Emigracioni i dekadës së fundit ka përfshirë një pjesë të konsiderueshme të shtresës së mesme edhe nga ana e formimit arsimor. Sipas të dhënave të anketës, nga të larguarit, 54% e tyre kishin një diplomë të arsimit të mesëm, profesional ose të përgjithshëm, ose një diplomë të studimeve të larta. Gati 14% e emigrantëve gjatë periudhës 2011-2019 ishin me arsim të lartë. Nga të dhënat shihet se personat që kanë emigruar vetëm dhe jo me familjet, 24,749 ishin me diploma në arsimin e lartë dhe doktoratura. Ky numër është më i lartë, për shkak se asnjë pjesëtar i familjes që ka emigruar nuk jeton në vendin tonë. Për këtë arsye, INSTAT nuk ka mundur të gjejë profilin e saktë të statusit ekonomik, moshës dhe arsimit te familjet e emigruara në total, që zënë 50% të të gjithë emigrantëve të larguar gjatë periudhës në analizë.

76% e të ikurve të papunë, ose pjesërisht të punësuar
Pjesa dërrmuese e emigrantëve në dhjetë vitet e fundit ishin të papunë. Nga personat që kanë ikur pa familjen shihet se 76% e tyre ishin të papunë, ose ishin të punësuar me kohë të pjesshme. Më shumë se 45% e të larguarve nuk kishin asnjë punë. Ndërkohë, 8% e të larguarve ishin nxënës dhe studentë, ndërsa emigrimi i pensionistëve përbënte vetëm 1.7% të totalit, teksa pak më shumë se 5% ishin të angazhuar me punë shtëpie. Për çdo 100 persona të ikur, 81,3 prej tyre ishin aktivë në tregun e punës dhe 18,6, joaktivë.

Varfëria, arsye kryesore për emigrim
Për tri grupet e popullsisë në lëvizje (migrantëve, emigrantë, të kthyer dhe migrantë të brendshëm) u përgatit një vlerësim i motiveve për lëvizjen e tyre. Arsye kryesore e largimit nga vendi ishin problemet financiare dhe kushtet e jetesës, ndërsa për kthimin, arsyet familjare. Anketa nuk ofroi informacion lidhur me motivet e familjeve që kanë lëvizur tërësisht apo planet e tyre për të ardhmen. 55-60% e emigrantëve brenda dhe jashtë vendit rendisin arsyet financiare dhe përmirësimin e standardeve për zhvendosjen nga vendbanimi, ndërkohë që arsye të tjera familjare dhe arsimi më i mirë kanë shtyrë 30% të emigrantëve të ikin./ Monitor
 
Eshte x te ardhur keq kjo situate ne shqiperi por prap un sa here kaloj doganen me papaq pse me duket vetja me e varfer sa shikoj makinat luksoze ne alb ?
 
Mire e bejne qe ikin.
Shqiperia nuk ofron siguri ne tregun e punes, nuk ofron siguri ne arsim, nuk ofron siguri ne shendetesi dhe nuk ofron siguri ne drejtesi.

Jo se jashte do ta shtrojne me flori por t'pakten vlersohesh deri diku per punen qe ben, nuk te skllaverojne me nga 10-12 ore si ne Shqiperi dhe arsimi dhe shendtesia t'japin nje far sigurie per te ardhmen e femijve, gjithashtu alternativat e tregut te punes jane me te medha se ne kte fshatin tone.
 
Në al votohet për hater e interes. Dikush tjetër të jep voten për një gotë birrë.
Çdo presësh nga politika pastaj.?
 
Personalisht nuk me intereson asnje bindje politike por per te miren e vendit duhet te hiqen keto ide e djathte e majte dhe vertet te behet dicka x ate vend qe nga viti ne vit po shkon drejt shkaterrimit ?
Plotesisht dakort me ty jam, por me ben alergji relativizimi, vetem kaq, per te tjerat kemi nje emerues perderisa kam zgjedhur te jetoj e te investoj ne Shqiperi.
 
S'kane pse ikin Shqiptaret, te perzejne Ramen po nuk ndihen rehat dhe e zgjidhin iher e mire kete hall. ;)
 
S'kane pse ikin Shqiptaret, te perzejne Ramen po nuk ndihen rehat dhe e zgjidhin iher e mire kete hall. ;)
Kë të vënë ? Të duket shpetimtari ky tjetri Luli ?
Një gjynah më duket edhe ky i shkreti ?
 
Kë të vënë ? Të duket shpetimtari ky tjetri Luli ?
Një gjynah më duket edhe ky i shkreti ?
Nuk eshte zgjidhje nqs pyet ke te vene, kushdo qofte vec kete qe ke kemi provuar 7 vjet mos jete me. ;)
 
Nga shiu në breshër. E njëjta stinë për popullin e shkretë që 30 vjet.
Nuk eshte zgjidhje nqs pyet ke te vene, kushdo qofte vec kete qe ke kemi provuar 7 vjet mos jete me. ;)
 
Nga shiu në breshër. E njëjta stinë për popullin e shkretë që 30 vjet.
Aspak, ndoshta populli meson ta beje me mire detyren e vet duke mos pritur ne kafene se cfare bejne politikanet, por duke protestuar per cdo padrejtesi qe u behet njezeri.
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top