Arfenilla
Themelues i Forumit
Vatikani jo vetëm që duhet t’i kthejë, por duhet të mbështetë patjetër kurset e ekzorcizmit.
Kështu pohon një autoritet i lartë, i cili merret me çështjet e “pushtimit nga demonët”.
“Përhapja e “Vampirëve të bukur e të rinj” në seri televizive dhe filma të Hollivudit, duke përfshirë True Blood dhe filmat Twilight, inkurajon të rinjtë të bëhen pjesë e forcave okulte, thotë ai, duke paralajmëruar Vatikanin nga ky rrezik, dhe kthimin e kurseve të ekzorcizmit për priftërinjtë.
“Ka nga ata që përpiqen që t’i kthejnë njerëzit në vampirë dhe t’i bëjnë ata që të pijnë gjakun e njerëzve të tjerë, ose që i inkurajojnë ata që të ketë marrëdhënie “speciale” seksuale për të fituar fuqi të veçanta” tha profesor Giuseppe Ferrari në takimin në Romë, pasi dëgjoi se numri i këtyre grupeve është duke u rritur globalisht.
“Këto grupe tërhiqen nga të ashtuquajturit vampirë të bukur dhe të rinj, të cilët ne i kemi parë aq shumë në vitet e fundit.”
Profesor Ferrari, i cili kryeson monitorimin okult italian, Grupi për Kërkimin dhe Informacionin Socio-Fetar, tha se ekzorcizmi duhet të kryhet vetëm nga priftërinjtë e trajnuar siç duhet.
Edhe pse Vatikani pohon se pushtimi nga demonët është i rrallë dhe në shumë raste të dyshuara është provuar se njerëzit në fakt vuanin nga sëmundje mendore, Papa Françesku u ka kërkuar dioqezave që të sigurohen se ato do të ndjekin ligjin katolik dhe që të kenë të paktën një ekzorcist të trajnuar.
Prifti ekzorcist zviceran, Cesare Truqui duke folur për The Indipedent tha se kursi i kësaj jave, ku morën pjesë ekzorcistë, priftërinj dhe njerëz laikë, ishte shumë i dobishëm për të rritur ndërgjegjësimin dhe aftësitë e priftërinjve në luftën kundër së keqes.
“Ministria që kryen ekzorcizmin është pak e njohur mes priftërinjve. ثshtë si të trajnosh dikë që të bëhet gazetar, pa ditur sesi të bëjë një intervistë”, tha ai, duke theksuar se në dioqezat në Itali dhe më gjerë janë duke u përballur me “pushtimin nga e keqja” gjithnjë e më shumë.
Në vitin 2012 u zbulua se dioqeza e Milanos, më e madhja në botë, kishte instaluar një linjë telefonike për ekzorcizmin për të përballuar kërkesat.
Monsinjor Angelo Mascheroni, shef i ekzorcizmit në Milano, tha se dioqeza e tij e kishte dyfishuar numrin e ekzorcistëve nga 6 në 12, për të përballuar rritjen 100 për qind të numrit të kërkesave për ndihmë gjatë 15 viteve të fundit B.info