PD padi për kanosje “policëve të PS”

e diel , 28 qershor 2009 11:09 Tirane – Policia e kryeqytetit njftoi se ka marrë dy kallëzime penale në lidhje me procesin e zgjedhjeve parlamentare që po zhvillohen sot në Shqipëri. “Sot rreth orës 11.00 në afërsi të shkollës “Mysime Kokolari” në Tiranë, dy shtetas, vëzhgues të jashtëm të subjektit politik Partia Demokratike, janë fyer dhe kanosur nga simpatizantë të subjektit Partia Socialiste, midis të cilëve dhe tre ish- punonjës të Policisë së Shtetit.
Të dy shtetasit, duke vlerësuar situatën dhe për të mos u përplasur fizikisht me këta simpatizantë, janë larguar për në drejtim të Komisariatit të Policisë Nr.6 Tiranë, ku kanë depozituar kallzim penal për fyerje dhe kanosje në ngarkim të tre ish - punonjësve të Policisë së Shtetit dhe konkretisht ndaj Pjerin Ndreu, Valentin Floriri dhe Fatmir Lleshi. (Lajmifundit)