Nje guide turistike pergjate bregdetit shqiptar

sweetzzinna

Dum spiro, spero くる
Vendi yne ka çelur zyrtarisht sezonin e ri turistik. Pikerisht ne kete kuader, ne çdo qytet bregdetar, kohet e fundit jane zhvilluar aktivitete te ndryshme nen kujdesin e Ministrise se Kultures. Per ti dhene mireseardhjen sezonit turistik dhe turisteve, jo vetem te huaj por edhe atyre shqiptare qe jetojne jashte kufijve, Ministria e Kultures nen kujdesin e veçante te ministrit Ferdinand Xhaferri, organizoi diten e shtune nje udhetim dy ditor per mediat ne bregdetin shqiptar me pikeqendrim ne Vlore. Udhetimi perfshinte vendet me te bukura pergjate bregdetit shqiptar duke nisur qe nga Durresi, Manastiri i Ardenices, Apolonia, Vlora, Orikumi, Porto Palermo, etj. Kjo guide u sponsorizua nga Federata Shqiptare e Futbollit dhe “Taçi Oil”. Mediat u shoqeruan edhe nga perfaqesues te Ministrise se Kultures dhe ne veçanti nga Drejtori i marredhenieve me jashte, Enver Bytyçi, Brikena Janin, specialiste e turizmit ne Ministrine e Kultures si dhe nga shefja e marredhenieve me publikun, Irena Prici, e cila u kujdes per çdo detaj te udhetimit dhe qe arriti qe me nje pune teper rigoroze dhe serioze ta bente nje udhetim mjaft te kendshem. Gjithashtu ky udhetim u nderua edhe me pranine e Nikolla Lenes, drejtor i pergjithshem i artit dhe kultures, Mimoza Sofrani, drejtoreshe e artit dhe kultures si dhe nga Gezim Halili specialist ne drejtorine e trashegimise Kulturore te MTKRS.

Turistet, te interesuar jo vetem per monumentet e Shqiperise, por dhe lulet e breshkat

Gjate udhetimit dhe ndalesave te shumta neper pikat e veçanta te turizmit shqiptar nuk mund te mos permendet Apolonia. Nje vend jo vetem shume mbreselenes nga bukuria qe mbart, por edhe nga historia mijevjeçare qe mban mbi shpatulla. Megjithese heret aty shikoje turiste te huaj edhe shqiptare. Ajo çka e plotesonte te gjithe mrekulline dhe kenaqesine e syrit, e plotesonte me se miri edhe mikpritja e specialisteve te turizmit te cilet ishin edhe ciceronet e vendeve monumentale. Per çdo turist ata percillnin jo vetem historine dhe kulturen e vendit te tyre por edhe nje deshire per tu rikthyer aty. Admir Xhelaj ishte ciceroni i cili na foli per historine e Apolonise. Nder te tjera ai tha se, “fluksi me i madh i turisteve ishte ne periudhen maj-shator, me turiste nga e gjithe bota. Vizitoret me te shumte jane evropiane dhe nuk la pa permendur edhe japonezet te cilet ishin te interesuar jo vetem per monumentet por edhe per lulet dhe breshkat”, tha ai. Ai tha se, ”te ardhurat vjetore kane ardhur ne rritje me rreth 1,5 milion leke te reja. Ndersa numri i turisteve ne dy vitet e fundit eshte rritur me 200 per qind”.

Vlora, qyteti me dy dete

E pamohueshme ne bukurine e saj bregdetare, Vlora, edhe kete vit ka hapur dyert per vizitoret turistike nga i gjithe vendi.Te shumte jane ata qe e njohin ndryshe si qyteti me dy dete. Lagur nga Adriatiku dhe Joni, ne kete zone, ke mundesi te shumta per te zgjedhur vendin ku preferon te marresh rreze, te pushosh e te defresh mbremjeve. Nje qytet qe njeh pushues ne çdo stine, ku bregdeti ka çfare te ofroje pergjate gjithe gjatesise se tij. Ashtu, si edhe vitin e kaluar, bregdeti i Jugut te Shqiperise, eshte mjaft i frekuentuar dhe i pelqyeshem edhe per pushuesit nga Kosova e Maqedonia, ku tashme me qindra automjete me targa te ketyre vendeve, pershkojne keto dite rruget e bregdetit vlonjat.
Pushuesit shprehen te kenaqur mbi ate çka ofron bregdeti, por edhe akomodimi ne qytetin e Vlores. Edhe kete vit duket se Vlora do te jete nje nga pikat e preferuara per pushuesit, duke u renditur keshtu ne nje nder zonat bregdetare me te frekuentuara ne Shqiperi.

Numri i vizitoreve ne 2009,10 per qind me i larte se nje vit me pare

Sipas organeve kompetente te turizmit nuk mund te mos vihet re rritja ne numer e turisteve jo vetem Shqiptare por edhe te huaj. Sipas te dhenave te fundit nga MTKRS, numri i pergjithshem i vizitoreve ne Shqiperi per periudhen janar-qershor 2009 eshte rreth 951495 persona. Ketu perfshihen: -Vizitore te huaj jane 522197 nga te cilet 13384 jane vizitore ditore (ekskursioniste) ndersa 508813 jane vizitore me neteqendrime(turiste). -Vizitore me nenshtetesi shqiptare te cilet jane rezidente ne vende te ndryshme jane rreth 429298 persona. Periudha janar-qershor 2009 krahasuar me te njejten periudhe te vitit te kaluar ka patur nje rritje 10per qind dhe ne krahasim me vitin 2005 rritja eshte afersisht 2.4 here. Me rruge tokesore kane hyre 71 per qind e vizitoreve, 19 per qind me rruge ajrore dhe 10 per qind me rruge detare. Sipas qellimit te udhetimit per periudhen janar-prill raporti ne perqindje eshte 82 per qind per pushime, 5 per qind biznes, 3 per qind vizitore ditore dhe 10 per qind te tjere. Per kete periudhe numrin me te madh te turisteve e bejne evropianet

92 per qind, me pas amerikane, aziatike dhe te tjere me respektivisht 5 per qind, 2 per qind dhe 1 per qind.

Te ardhurat nga turizmi ne milion euro

Nr Viti Milion euro
1 2007 1,002
2 2008 1,170
3 Trem i 2009 212

TO

---------- Post added at 17:59 ---------- Previous post was at 17:47 ----------

Guida, ja çfarë ofron Durrësi


Qyteti bregdetar i Durrësit tashmë është në përgatitjet e tij të fundit për të pritur pushuesit e shumtë të sezonit turistik veror, si një qytet që ka ngarkesën më të madhe të turistëve. Dielli, rëra janë ndër të parat "thirrje", por gjithsesi nuk mbeten më pas ushqimi i detit e më tej mundësia për të shijuar vende të ndryshme. Ashtu si çdo vit, nuk do të "zbarkohet" vetëm në zonën e Shkëmbit të Kavajës, por edhe në Currila, në plazhin e Shën Pjetrit e në zona të tjera, që ofrojnë më tepër kënaqësi të natyrës në këtë fillimsezoni.

Përgatitjet

Në prag të fillimit me kapacitet të plotë të sezonit turistik veror, ka nisur procesi i plugimit dhe dezinfektimit e rërës që pritet t'i mundësojë plazhit kushte maksimale pastërtie. Sipërfaqja e plazhit që i nënshtrohet këtij plugimi arrin në 10 ha. Kryebashkiaku i Durrësit, Vangjush Dako, thotë për "Shekulli"-n se në këtë fazë po punohet intensivisht në plazhin e Durrësit me qëllim që sezoni turistik të shkojë sa më mirë. Ai u shpreh se po punohet për t'i paraprirë të gjitha problemeve të mundshme. Mësohet se në këtë sezon pushuesit do të kenë mundësinë e një plazhi publik më tepër, duke e çuar në katër numrin e tyre: "Turizmi është një nga përparësitë e bashkisë. Po punojmë me intensitet për krijimin e kushteve sa më të mira për të gjithë turistët vendas dhe të huaj që do të vizitojnë Durrësin gjatë këtij sezoni",- u shpreh kryebashkiaku. Edhe këtë vit Durrësi pritet të shënojë një numër rekord pushuesish. Përveç turizmit të banjave diellore, Durrësi ofron turizmin kulturor për shkak të trashëgimisë historike dhe kulturore që ka ky qytet.

Turizmi i kroçierave

Këtë fillim muaji në Durrës ka nisur sezoni i turizmit të krocierave. Bashkë me përurimin zyrtar të stinës së nxehtë, qyteti bregdetar ka nisur të vizitohet nga turistë të shumtë evropianë, shumica e të cilëve skandinavë, gjermanë, anglezë dhe francezë. Vetëm gjatë një dite, në kalatën numër katër të Portit detar janë ankoruar njëherazi dy anije kroçiere të quajtura "Spirit of Oceans" dhe "Arion". Nga këto dy anije luksoze zbarkuan në Durrës për një vizitë 12-orëshe afro 500 turistë. Shumica e tyre u ndal në qytet dhe sitet e tij arkeologjike, por nga ana e këtyre turistëve nuk munguan as vizitat e shkurtra në Krujë dhe Tiranë. Që të dyja këto anije ishin duke ndjekur lundrimin nga ishujt e Kroacisë drejt arkipelagut grek. Durrësi është një ndalesë natyrale në Adriatik mes Kroacisë dhe Greqisë. Në krahasim me vitet e shkuara, gjatë këtij sezoni ka një dyfishim të turizmit të kroçierave në Durrës, aq sa për përballimin e situatës Autoriteti portual ka vënë në dispozicion kalatat perëndimore të tij. Ky numër do të ketë një rritje të pritshme progresive gjatë stinës së verës. Krahas tyre është i pranishëm edhe turizmi elitar me jahte.
اmimet në restorante

اmimet në plazhin e Durrësit variojnë. Gjithsesi këtë vit, të paktën për muajin maj dhe qershor, rezulton që të ketë një ulje të çmimeve krahasuar me një vit më parë për disa përbërës të kuzhinës bregdetare. Kështu një pjatë me merluc të freskët, barbun etj kushton 350 lekë krahasuar me 400 lekë që ishin vjet, teksa për kocën e levrekun qëndron i njëjti çmim. Një ulje jo e paktë vërehet edhe në çmimet e karkalecave të detit ku pjata shkon në 500 lekë. Zakonisht këto janë çmimet e lokaleve të zakonshme, por ka edhe lokale me prodhime deti ku mund të konsumosh peshk të freskët me çmime më të ulëta për shkak se pronarët kanë anije dhe e gjuajnë vetë peshkun duke siguruar edhe klientë më të shumtë. Durrësi ka dhe një potencial të madh të flotës së peshkimit që është një ndër furnizueset e tregut me peshk të freskët. Në bankinat e portit ndodhen rreth 140 peshkarexha, gjysma e të cilave kur është kohë e mirë dalin rregullisht për gjueti dhe nga kjo Durrësi është një ndër qytetet e privilegjuara për prodhime deti të freskëta, duke pasur si rezervë edhe prodhimet e lagunave dhe të rezervateve në bregdet që janë një furnizues i përditshëm, por me peshk më pak cilësor se peshku i thellësive. Në këtë treg gjithsecili mund të kënaqë shijet e veta me llojin dhe çmimin që dëshiron.

Kafenetë, larmia e çmimeve

Në plazh ka kafene që tregtojnë kafe nga 40 lekë. Por fare pranë këtij lokali gjen një tjetër me çmime 60-70 lekë apo 100-130 lekë. Kjo kategori çmimesh varion nga menaxhimi i pronarëve ose nga shërbimi i ofruar. Një shishe birrë varion nga 100 - 250 lekë, por edhe birrat normale që më parë kanë pasur çmime 100 lekë kanë pësuar një rritje prej 20 lekësh në shumë prej lokaleve. Po kështu edhe pijet e vendit: konjak, fërnet që më parë tregtoheshin me 50 lekë, tashmë kanë filluar të kenë një rritje nga 10-20 lekë, ndërkohë që pijet e tjetra variojnë sipas cilësisë por kryesisht kanë një çmim 200-250 lekë.

Paketat turistike ditore

Në Këshillin e Qarkut të Durrësit është programuar një paketë turistike ditore në të cilën nëpërmjet agjencive dhe operatorëve turistike një vizitori do t'i mundësohet një vizitë në të gjithë qarkun duke filluar nga qyteti i Durrësit në atë të Krujës dhe në zonën më veriore të komunës së Ishmit në të cilën ndodhet edhe kepi i Rodonit me vlera të mëdha natyrore historike. Për këtë, sipas kryetarit të këshillit të qarkut, Seit Kërtusha, po punohet për zhvillimin e një konference rajonale për çështjet e turizmit, me qëllim që të kemi një kohezion dhe një bashkëpunim midis komunave dhe bashkive, që ofrojnë shërbime turistike. Synimi është përgatitja e paketave turistike ditore dhe javore me operatorë turistikë me qëllim që turisti që mbërrin në Durrës, të shkojë edhe në Krujë të shikojë edhe turizmin balnear, arkeologjik dhe historik, me qëllim që vitin tjetër të kthehet sërish për pushime. Gjithashtu, Kërtusha u shpreh se përqendrimi i forcave për të mbajtur sa më pastër bregdetin në të gjithë linjën gjatësore të tij prej 62 kilometrash do të bëjë që edhe plazhet e rralla me një natyrë të egër, por edhe mjaft të bukur të zonës së Durrësit, të bëhen më shumë të frekuentuara sesa tani. Zona e thellë e Ishmit afron edhe një lloj turizmi të kërkuar nga shtetet evropiane: agroturizmin dhe prodhimet bujqësore bio.

Gjuetia në zonën e Currilave

Një ndër zonat më pak të frekuentuara, por që fsheh vlera të mëdha për banorët dhe turistët është edhe plazhi i Currilave. Ai ka vlera jo thjesht për pastërtinë e ujërave dhe funddetin e mbushur me përthyerje relieve, si dhe mure antike brenda basenit të gjirit ku po ngrihet një port jahtesh, por edhe për gjuetinë me mjete të thjeshta që mund të bëhet, kryesisht për oktapode, si dhe peshq të llojeve të ndryshëm që preferojnë guvat e shumta të gurëve të nënujshëm. Por krahas peshkimit të thjeshtë turistik, Currilat të ofrojnë edhe një reliev arkeologjik të rrallë. Pikërisht këtu kanë filluar për herë të parë në vendin tonë kërkimet nënujore arkeologjike, 143 vjet më parë, nga arkeologu Leon Hezej. Këtu në afërsi cekëtira e njohur edhe si cekëtira e Talbotit është realisht një muze i vërtetë nënujor ku janë zbuluar objekte të rralla të cilat kanë qenë transportuar edhe nga anijet e mbytura në lashtësi.

Transporti në qytet dhe në plazh

Transporti, ashtu si edhe një vit më parë, është thuajse i zgjidhur në rastet kur pushuesit nuk zotërojnë një automjet. Kështu, një taksi Durrës-Plepa kushton 500 lekë, ndërsa Durrës-Shkozet rreth 300-400 lekë. Po ky çmim për lëvizjet brenda qytetit është rreth 300 lekë. Shërbimin e taksive mund ta kesh në çdo orë të ditës e të natës. Mjafton që të përdorësh telefonat e shoqërive, të cilat janë të afishuara kudo. Po kështu në dispozicion në çdo 3 minuta është edhe një autobus që bën linjën Durrës-Plepa e kthim me një kosto prej 30 lekësh. Ky shërbim urban është në funksion prej orës 05:00 të mëngjesit deri në orën 22:00 të mbrëmjes. Këtë vit janë futur në qarkullim edhe rreth 6 autobuzë të sapoblerë nga Bashkia, si dhe është hapur një linjë urbane në unazën e re që kalon nga zona e ish-kënetës, e populluar tashmë nga rreth 40 mijë banorë. Nga Durrësi ka edhe linja të shumta autobusësh për në të gjitha rrethet e vendit, ndërsa pika e nisjes së tyre është tek stacioni i trenit. Për një vizitor që do të shohë Tiranën dhe Kavajën, mund të udhëtojë me furgonë ose me autobusë në çdo kohë me një biletë prej 100 lekësh. Për pasagjerët e trenave, me gjithë problemet e sotme që përballon hekurudha, gjatë verës do të vihen trena shtesë për linjat e Tiranës, Elbasanit.

Parkime me mesazh në qytet

Për të disiplinuar lëvizjen e mjeteve në qytetin e Durrësit, Bashkia ka bërë një organizim të ri të metodës së parkimit. Ajo e ka klasifikuar territorin në tre zona dhe respektivisht ka bërë edhe normimin e kapaciteteve të tyre duke i ndarë në zonën A me kapacitet 1762 automjete, në zonën B me 1636 automjete dhe C me 1934 automjete. Gjithsej, normon parkimin në qytet të rreth 5332 mjeteve. Tarifat jane të normuara sipas zonave dhe kohëzgjatjes së parkimit. Një leje parkimi javore për turistët për zonën A është 2000 lekë, në zonën B 1500 lekë dhe në zonen C ku parkimi është edhe pa limit 1000 lekë. Sipas organizatorëve kjo bëhet që të zgjidhet problemi i trafikut dhe i mbipopullimit në zonën e qendrës. اmimet e parkimit dhe kufizimet kohore të tre zonave janë bërë duke u bazuar në standardet ndërkombëtare të zonave me parkim në rrugë. Ndër të tjera, ky sistem do të ulë koston e mirëmbajtjes dhe riskun e vjedhjes. Në këtë standard hyn edhe parkimi SMS, i cili do të jetë i lehtë në përdorim. Mësohet se përdoruesi duhet të dërgojë një mesazh në forme teksti me kodin e zonës së parkimit dhe targën e makinës me një kod të veçantë të shkurter. Sistemi llogarit në mënyrë automatike kohëzgjatjen e parkimit dhe faturën që duhet paguar.


Plazhi i qytetit të Durrësit ofron kushtet më optimale për të kaluar pushimet 15-ditore ose më gjatë. Sipas të dhënave statistikore, në Durrës janë ligjërisht rreth 100 hotele që afrojnë një shërbim me 3000 shtretër. Ky numër mund të jetë edhe më i lartë, pasi shumë biznese nuk i raportojnë faktikisht kapacitetet e tyre për t'iu shmangur detyrimeve tatimore. Statistikat flasin se në Durrës, duke përfshirë edhe bizneset familjare ku shtëpitë ofrohen për turistët, çdo natë gjatë pikut të verës flenë rreth 20 000 pushues. Në fundjavë pushuesit ditorë arrijnë rreth 150 000 - 200 000 vetë. اmimet e banesave të dhëna me qira variojnë sipas hapësirës që kanë në rreth 15 - 20 euro në natë. Ndërsa një dhomë në hotel varion nga 25-50 euro, gjithsesi ka hotele me çmime edhe më të larta, kjo në funksion të komoditetit si dhe të afërsisë nga bregu i detit. Hoteleritë janë të lehta për t'u gjetur sapo një turist hyn në qytet. Në dispozicion të turistëve janë shumë shoferë taksish të cilët bëjnë njëkohësisht edhe agjentin e shumë hotelerive, pasi bashkëpunojnë me pronarët për t'iu siguruar klientë. Ose punohet përmes agjencive turistike që kanë informacione të plota rreth hotelerive apo banesave që lihen me qira për pushuesit. Afërsia e qytetit bregdetar me aeroportin e bën atë edhe më të dëshiruar për turistët. Ky qytet këtë vit po përgatitet që të presë rreth 1,2 milionë turistë

Vlerat e Durrësit për turizmin

Sipas statistikave, vitin e kaluar në Durrës pushuan rrethi 1 milion turistë, ndërkohë që pritet që këtë vit ky numër të jetë në rritje. Bregdeti durrsak është i karakterizuar nga një bukuri plot variacione. Plazhet ranore dhe ato shkëmbore janë të alternuara dhe kushdo mund të zgjedhe sipas dëshirës. Këto brigje dhe gjire të shumta të mbrojtura nga era i kanë dhënë Durrësit një pozitë gjeografike mjaft të lakmueshme që është shfrytëzuar që nga lashtësia duke e shndërruar Durrësin në kryeurën ballkanike për vendet e perëndimit evropian. Arkeologu Evans duke pasur parasysh këtë pozicion të këtij qyteti të veçantë nga ana tregtare në antikitet ka shkruar se Durrësi ka luajtur ndaj bregut italian një rol të rëndësishëm ashtu si "Nju Jorku i sotëm ndaj Liverpulit", duke qenë një nga "ambiciet e Evropës Latine", "nxitje e përhershme e botës perëndimore". Shekulli
 
Pe: Nje guide turistike pergjate bregdetit shqiptar

Riviera shqiptare një parajsë e lirë
Një parajsë e lirë, në rivierën shqiptare”. ثshtë ky titulli i një artikulli mjaft interesant publikuar në faqen e prestigjiozes “Neë York Times” për rivierën shqiptare ndërkohë që ka nisur edhe sezoni i pushimeve. Materiali është shkruar nga Seath Kugel i cili ka vizituar personalisht brigjet e mrekullueshme të vendit tonë, nga Vlora në Sarandë, një zonë e njohur ndryshe si riviera shqiptare.
Fillimisht ai flet për fshatin Ilias ku është përballur me një pamje mahnitëse. Përtej rrugës, reporteri shikon një plazh idilik siç e quan ai, një plazh me guralecë të vegjël ndërsa diku ka dëgjuar të flitet për “Manastirin”, sikur të kërkonte një godinë ku qëndrojnë murgj apo murgesha. Por në fakt ai gjen një plazh të mrekullueshëm në bregun jonian, në blu-në e thellë të detit. Në afërsi të plazhit, vijon artikulli, shihen bunkerë të shumtë, të vendosur aty që nga koha e ish diktaorit Enver Hoxha. “ Nuk shihet këmbë njeriu në këtë plazh.
Gjithçka është imja’’-shkruan autori duke iu referuar këtij ambienti, ndërsa tregon se i mjafton vetëm kaq për tu zhveshur e për të hedhur në ujin e kristaltë, duke regjistruar gjithçka në këtë udhëtim. Bëhet fjalë për gjirin e Gjipesë, një gji i mrekullueshëm, dhe pasi del nga uji, gazetari sheh dy turistë asutriakë të vendosur pranë një shkëmbi të zonës ndërsa qeshin me të.
deti1-300x225.jpg
Shqipëria është padyshim një vend shumë i bukur ku me 500 euro në javë mund të bësh ç’të duash – thotë Kugel, ndësa përmend marrjen me qera të makinës për 4 ditë, një dhomë fjetjeje, ngrënien, konsumimin e kafesë apo edhe pijeve freskuese.
Në restorantet e hapura nga banorë të zonës, mund të konsumosh një vakt ushqimi me 8 euro – detajon artikulli. Udhëtimi në rivierë është shumë i bukur, duke nisur nga Vlora, edhe pse në këtë qytet mbizotëron kaosi , pasi rrugët nuk kanë emra, drejtuesit e automjeteve i ngasin makinat me shpejtësi, ndërtime vend e pa vend etj.
Por kjo nuk është aq e habitshme për Shqipërinë, një ndër vendet e varfëra të Europës i dalë nga diktatura komuniste, prej më pak se një çerek shekulli.
deti2-300x200.jpg
Reporteri përshkon edhe bulevardin Vlorë- Skelë, ku dallohen lehtësisht burrat që tymosin duhan si oxhakë dhe luajnë domino. Himara është një tjetër pikë turisitike e përzgjedhur si vendqëndrim për një natë në këtë udhëtim për gazetarin e “Neë York Times”, i cili shëtit edhe parkun kombëtar të Llogarasë.
Himara, tregon Kugel, nuk ka ndoshta plazhet më të mira, por të habit me gëlimin e fast foodeve apo pikë shitjeve të sufllaqeve që janë me shumicë. Diku më tej, shihet edhe një njeri që ka hipur mbi një gomar e kalon përmes qytetit , e një ndërthyrje e tillë, duket se i tërheq vemendjen turistit gazetar, i cili thotë se ka shijuar edhe gatimin ne njërën prej tavernave të zonës.
Dikush e ka ftuar atë të provojë edhe rakinë, pije alkolike tradicionale e Shqipërisë. Kugel shprehet se i pëlqen shumë kalaja e Himarës edhe pse disa zona është e vështirë ti gjesh pasi mungojnë tabelat drejtuese. Udhëtimi i gazetarit amerikan përmend edhe qytetin e lashtë të Butrinit, një zonë turistike që ia vlen të vizitohet, apo edhe plazhi i Jalit, që shtrihet rreth 3 milje larg rrugës kryesore. Në të, janë vendosur çadra që jepen me qera dhe mikrpritja është për tu vlerësuar.
Në fund të artikullit shkruhet se cilido mund të shkojë në Shqipëri, nga çdo vend i Europës, edhe pse vetë gazetari sugjeron një kombinim udhëtimi ndoshta duke nisur nga Greqia, Italia apo ndonjë vend tjetër i Ballkanit. Ai informon edhe për udhëtimet automoblistike, oraret e tyre dhe çmimet që ofrohen, për të parë një vend të tillë/ Keshilla
 
Titulli: Nje guide turistike pergjate bregdetit shqiptar

Isha ketu...! :) Ne Korez. Ndodhet 40 minuta larg gjirit te Kakomese. I paimagjinueshem nendeti.

Krorez.jpg

krorez.jpg

97029588.jpg
 

Attachments

  • Krorez.jpg
    Krorez.jpg
    63.6 KB · Shikime: 0
  • krorez.jpg
    krorez.jpg
    1.9 MB · Shikime: 0
Titulli: Nje guide turistike pergjate bregdetit shqiptar

Isha ketu...! :) Ne Korez. Ndodhet 40 minuta larg gjirit te Kakomese. I paimagjinueshem nendeti.

Krorez.jpg

krorez.jpg

97029588.jpg
 

Attachments

  • Krorez.jpg
    Krorez.jpg
    63.6 KB · Shikime: 0
  • krorez.jpg
    krorez.jpg
    1.9 MB · Shikime: 0
Titulli: Nje guide turistike pergjate bregdetit shqiptar

Isha ketu...! :) Ne Korez. Ndodhet 40 minuta larg gjirit te Kakomese. I paimagjinueshem nendeti.

Krorez.jpg

krorez.jpg

97029588.jpg


Aj aj, sa bukur!
Cme duhet oqeani mua, kur Shqiperia mban aq bukuri ujore!:)
 

Attachments

  • Krorez.jpg
    Krorez.jpg
    63.6 KB · Shikime: 0
  • krorez.jpg
    krorez.jpg
    1.9 MB · Shikime: 0

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top