Plani në vete duhet që të përshpejtojë punën që do të bëjnë vendet e rajonit, në aspektin social-ekonomik“, – tha Varhelyi.
“Kemi plane që të sjellin rritjen ekonomike dhe shtimin e vendeve të punës. Kemi projektuar një paketë, që mund të ndryshojë panoramën e rajonit për 4-5 vitet e ardhshme. Do të japin 9 miliardë Euro për rajonin, duke shtuar edhe 20 miliardë euro si garanci“, – theksoi Varhelyi.
Komisioneri i BE-së tha se investimet më të mëdha do të jenë në trasport, në furnizmin me gaz, por edhe në ekonomi digjitale.
Varhelyi foli edhe për reformën në drejtësi dhe se investimet do të rikthejnë “turin” në Shqipëri, pra shqiptarët që janë larguar gjatë këtyre viteve. Ai kërkoi ngritjen sa më shpejt të Gjykatës Kushtetuese, një kusht i vendosur nga Bashkimi Europian, për organizimin e konferencës së parë për çeljen e negociatave.
“Bashkëpunimi i Shqipërisë me Bashkimin Europian, ka dhënë fryte. Po shkojmë përpara me reformat, jo se e kërkon Brukseli”, – u shpreh Rama.
“Plani ekonomik është një mundësi i jashtëzakonshme për ne dhe po implementon një raporti të ri me rajonin dhe ky plan është një provë konkrete e prekshme për shumë arsyeve të mira dhe një bindje të madhe që qëndron në vizionin e shengenit rajonal. Zhvillimi përmes bashkëpunimit është e vetmja rrugë për të dalë në një tjetër hapësirë dhe për ti lënë gjeneratave të tjera një Shqipëri dhe një rajon shumë më të mirë. Ky plan ka shumë aspekte, por aspekti kryesor i përgjithshëm është se plani do na përafrojë me tregun europain dhe zbatimin e reformave“, tha Rama
MAPO.AL
