Kalova Covid-in, paguaj taksa prej 24 vitesh, s’mora asgjë nga shëndetësia ‘falas’

Letra e mësueses shqiptare:​

emin-duraku-covid.jpg
Lugaj ka shpjeguar historinë e saj me COVID19, por edhe problemet e përballimit të virusit nga ana financiare.
Alketa Lugaj, mësuese prej 24 vitesh, rrëfen eksperiencën e saj me COVID19 dhe mungesën e mbështetjes nga shteti shqiptar. Në një letër të botuar në rrjetet sociale, Lugaj ka shpjeguar historinë e saj me COVID19, por edhe problemet e përballimit të virusit nga ana financiare.

LETRA E PLOTË E ALKETA LUGAJT:

UNË DHE COVID 19!

(Një përjetim personal i DASHURISË NJERËZORE mbi vetminë dhe braktisjen …

Covid 19 erdhi tek unë befas : me kollë të thatë, dhimbje fyti, ashpërsim të kollës, temperaturë … e më pas me përpjekje për të më zotëruar me ndjesinë e shkuljes së fytit e kraharorit .

Tinzar, covid 19, synon të të vetmojë, izolojë e më pas të të pushtojë .

Mrekullisht, nuk ia doli dot. Nuk ia doli dot falë dashurisë, kujdesit, fjalëve, mbështetjes, kurajës me të cilat më rrethuan vazhdimisht familjarët e shtrenjtë, të afërmit e dashur, miqtë e pafund të mi.

MIRËNJOHJE E PAKUFISHME ?????

Por, Covid 19, ka një aleat të ftohtë e zvarritës si vetja :

SISTEMIN SHËNDETËSOR PUBLIK TË EDIT DHE OGIT !

Një shërbim publik që të kujton endjet kafkiane përballë absurdit të kohës që nuk pret !

Unë, mësuese prej 24 vitesh , që kam paguar për 24 vjet kontribute shoqërore e shëndetësore, taksa, tatime, tarifa …;

në momentin më të vështirë të shëndetit tim, nuk mora ASNJË SHËRBIM PUBLIK SHËNDETËSOR , asnjë !

Nuk bëra dot asnjë TAMPON FALAS (sepse m’u kërkua të ngrihesha nga shtrati me temperaturë e të shkoja në zyrat e DSHP …)

Nuk bëra dot asnjë ANALIZË GJAKU FALAS (?!) asnjë GRAFI apo SKANER FALAS (?!), madje nuk mora asnjë , asnjë ILAÇ TË RIMBURSUAR (?!) ….

Pse ? Sepse, sepse, sistemi i mallkuar kafkian prej Edi dhe Ogi do të më zvarriste e zvarriste dhe koha nuk më priste. Po të prisja ata, mund të mos isha më !

Kemi ngecur në një morsë të dyfishtë, që jo thjesht po na bën të vuajmë, por po na rrezikon deri dhe ekzistencën, secilit, gjithkujt, çdo shqiptari të thjeshtë sot.

Është morsa mes Covid 19 dhe Covid Rama !

Është Shila dhe Caribda prej së cilës mund të dalim vetëm duke nxjerrë prej thellësive të shpirtit tonë shqiptar vitalitetin, dashurinë dhe forcën e pakufishme për jetën, me dritën e shpresës për ta ndryshuar një herë e mirë, e përfundimisht këtë realitet.

Ndryshimi do të vijë !

Lutemi për shëndetin dhe jetën e çdo shqiptari sot.


(F.g/dosja.al)
 
Eshte e trishte per qytetaret,e turpshme per sistemin shendetsore Shqiptar.
Qendron qe ne shqiperi nese ske leke,vdes o vlla,thjesht se stelnune.
 
Sot hapa mbas shume kohesh e albania per te nxjerre nje leje dalje. Edhe me vjen njoftim kush eshte mjeku im i familjes dhe nr e celit te tij.

E marr ne cel i them jam filania paciente covid sars 2 edhe jam trajtuar ne spital privat edhe ende po mjekohem dhe meqe degjova qe shteti rimburson per ilacet te siguruarve cfare duhet te dorezoj dhe ku pasi i kam gjithe recetat dhe faturat.

Pergjigjia ishte nese je trajtu ne privat shteti nuk merr persiper asnje rimbursim. Po pse i thashe nuk dolen nga xhepi im parate per te paguar analizat terapite ilacet egzaminimet?

Me mbylli telefonin. Qr mendo mos kesh mundesi dhe te jesh ne doren e ketyre.
 
Redaktimi i fundit:

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top