Haxhillëk vetëm nëpërmjet Bashkësisë Islame

Ministria e Shëndetësisë dhe Bashkësia Islame e Kosovës janë pajtuar që tash e tutje, të gjithë ata persona që dëshirojnë të shkojnë në haxhillëk, këtë duhet ta bëjnë nëpërmjet Bashkësisë Islame.

Ky vendim është marrë pas takimit ndërmjet ministrit të Shëndetësisë, Alush Gashi, dhe kryetarit të Bashkësisë Islame të Kosovës, Naim Tërnava.

Tërnava ka kërkuar nga ministri Gashi që të lehtësohen procedurat për marrjen e certifikatave mjekësore, për ata persona që dëshirojnë të shkojnë në haxhillëk.

Ndërsa ministri i Shëndetësisë, Alush Gashi, ka thënë se është shumë i interesuar që grupi i personave që shkojnë në haxhillëk, të nisen në mënyre të organizuar dhe të kalojnë përmes Bashkësisë Islame, e jo nëpërmjet agjencive të ndryshme turistike. /ktv/