Pritej të ndodhte që mbrëmë pas humbjes me Novarën, por largimi Xhian Piero Gasperinit nga Interi ka ndodhur vetëm sot paradite. Duke parë paraqitjen e dobët të zikaltërve, sidomos në ndeshjen me Novarën, u mendua që trajneri do të dorëhiqej, por nuk ndodhi kështu. Presidenti Morati deklaroi se do të dilej sot në një vendim dhe klubi milanez ka dalë në një komunikatë për shtyp: Gasperini nuk do të jetë më trajner i Interit! Pas 3 ndeshjesh, zikaltrit kanë vetëm një pikë, kjo nuk ndodhte që nga 1930 dhe ishte normale që të kishte rrokadë. Janë disa kandidatura për të zënë vendin e Gasperinit, ku në pol-position janë Delio Rosi, Klaudio Ranieri dhe Sançez Flores.