Kur them që politika ka vite që ua ka rrëmbyer tapetin e kuq artistëve, është një fakt aq i vërtetë sa ndërkohë që mediat merren me Berishën, Ramën, në Festivalin e fundit të RTVSH në dhjetor të 2009, paska fituar një këngë “Nuk mundem pa ty” fiks me “Keeps Gettin’ Better”, këngën e albumit me të njëjtin emër, i këngëtares me famë botërore Christina Aguilera. Ka një ndryshim: Albumi i Aguilerës ka dalë në treg një vit para këngës tonë, pra në 2008.
Nuk më kishte qëlluar ta dëgjoja këtë këngë, por nuk mund të mos ndiqja Shqipërinë si pjesëmarrëse në Eurovizion, në Norvegji këtë herë. Juliana Pasha ka një zë magjik, tërheqës, të thellë, një zë të zi që ta thith shpirtin si një magnet i fuqishëm e ta lartëson në hapësirë, siç bëjnë zërat më të mirë të globit. Juliana këndonte, por unë s’po u besoja veshëve: Shqipëria nuk ka bërë këngë të re? Këndohej në anglisht në fakt, ndryshe nga të tjerë që kishin zgjedhur gjuhën e vendit përkatës. Këngë e bukur, këngë me ritëm! Po në mendje më solli shpejt një këngë tjetër, shumë të famshme: këngën e Christina Augilerës! Dëgjoj e ridëgjoj në you tube të dy versionet, janë të ngjashme! E njëjta linjë muzikore! اfarë guximi autorët! Si nuk është filtruar në Shqipëri kjo ngjashmëri? Jemi shumë të zënë me halle ne shqiptarët, s’kemi nge për këto detaje.
Bashkëatdhetarë nga e gjithë bota po nxitojnë të votojnë për të parë përfaqësuesen e Shqipërisë mes më të mirëve: Vota në internet, televotime! Kush emocionohet më shumë se ne në këto raste! Juliana Pasha kaloi në finale, falë votimeve. Uroj me gjithë zemër ta fitojë ajo këtë Eurovizion, jo kënga e Aguilerës.
(BalkanWeb)
Alba Malltezi
Nuk më kishte qëlluar ta dëgjoja këtë këngë, por nuk mund të mos ndiqja Shqipërinë si pjesëmarrëse në Eurovizion, në Norvegji këtë herë. Juliana Pasha ka një zë magjik, tërheqës, të thellë, një zë të zi që ta thith shpirtin si një magnet i fuqishëm e ta lartëson në hapësirë, siç bëjnë zërat më të mirë të globit. Juliana këndonte, por unë s’po u besoja veshëve: Shqipëria nuk ka bërë këngë të re? Këndohej në anglisht në fakt, ndryshe nga të tjerë që kishin zgjedhur gjuhën e vendit përkatës. Këngë e bukur, këngë me ritëm! Po në mendje më solli shpejt një këngë tjetër, shumë të famshme: këngën e Christina Augilerës! Dëgjoj e ridëgjoj në you tube të dy versionet, janë të ngjashme! E njëjta linjë muzikore! اfarë guximi autorët! Si nuk është filtruar në Shqipëri kjo ngjashmëri? Jemi shumë të zënë me halle ne shqiptarët, s’kemi nge për këto detaje.
Bashkëatdhetarë nga e gjithë bota po nxitojnë të votojnë për të parë përfaqësuesen e Shqipërisë mes më të mirëve: Vota në internet, televotime! Kush emocionohet më shumë se ne në këto raste! Juliana Pasha kaloi në finale, falë votimeve. Uroj me gjithë zemër ta fitojë ajo këtë Eurovizion, jo kënga e Aguilerës.
(BalkanWeb)
Alba Malltezi