Basha: Reforma në arsimin e lartë, goditje fatale universiteteve

NeVertiti

~Kohe & Stine~
Staf në FV.AL
Themelues
1437391361bashabashabash.jpg


Kryetari i Partisë Demokratike, Lulzim Basha ka drejtuar paraditen e së hënës tryezën për arsimin e lartë, duke shprehur kritika të thella ndaj reformës së qeverisë.

Në fjalën e tij, Basha fillimisht ka vlerësuar se, “procesi për reformën në arsimin e lartë nisi me transparencë, por shumë shpejt u kthye në një labirinth”.

“Ky ligj i jep një goditje fatale aspiratave për arsimim. Sipas kësaj skeme, universitetet publike barazohen me ato private”, ka deklaruar Basha.

Ai ka nënvizuar se, shqiptarët sot kërkojnë që arsimi i lartë të jetë i përballueshëm, ndërkohë që qindra të rinj kanë braktisur sipas tij studimet sepse nuk përballojnë dot tarifat.

“Synimi ynë është që arsimi i lartë të jetë i aksesueshëm nga sa më shumë të rinj”, ka deklaruar Basha.

“Kjo reformë do të ketë një impakt negativ tek qindra e mijëra familje shqiptare dhe tek brezat e rinj. Të luftojmë që të rrisim cilësinë në arsimin e lartë”, ka shtuar kreu i PD.

/ Top Channel
 
Titulli: Basha: Reforma në arsimin e lartë, goditje fatale universiteteve

Basha mbledh grupin e PD: I shpallim luftë pr/ligjit për arsimin e lartë

Kryetari i PD, Lulzim Basha, pak orë pas tryezës për arsimin, ka drejtuar mbledhjen e grupit parlamentar demokrat, ku ka shprehur sërish shqetësimin për projektligjin e qeverisë për arsimin e lartë.

“Projektligji për arsimin e lartë do të rrisë tarifat e studimit. Rama po u fshin të rinjve të drejtën e arsimimit, edhe pse studentët, pedagogët dhe të gjithë janë shprehur kundër këtij projektligji. Rama po shkon kundër të gjithëve vetëm për të miratuar një ligj klientelist dhe korruptiv”, ka deklaruar Basha.

Ai është shprehur se, kryeministri ka vendosur ta kalojë ligjin në një moment kur auditorët janë bosh, sepse i druhet reagimit të studentëve dhe pedagogëve.

“Kalimi i kostos tek vetë studenti dhe barazimi i universiteteve publike me ato private është baraz me një shkelje të rëndë të së drejtës të përcaktuar nga Kushtetuta”, ka vijuar Basha.

Shkelja e kësaj të drejte themelore, sipas kreut të PD, bëhet edhe më e rëndë, po të kemi parasysh se fondet jepen në kushte të barabarta ekonomike, pa pasur parasysh kushtin social.

“Mënyra e re e financimit të universiteteve publike, rritja e tarifave dhe ndarja e buxhetit edhe për universitetet private do të vënë drejtpërdrejtë në rrezik ekzistencën e universiteteve publike, duke çuar në mbylljen e filialeve të tyre në rrethe. Do të jetë kryeministri ai që do të fusë dorën në arkën e shtetit dhe do të dorovisë arsimin sipas klientelave”, ka thënë Basha.

Ai ka paralajmëruar se, nesër opozita do ta kundërshtojë këtë ligj, në seancën paralamentare të thirrur për këtë qëllim.

“Ne do t’i shpallim luftë këtij pr/ligji. Garantoj qytetarët shqiptarë se opozita do të çojë në vend drejtësinë, do bëjë gjithçka që të zhbëjë këtë që ka nisur Edi Rama dhe do të bëjë projektin e saj, me studentët dhe pedagogët, sapo qytetarët të na besojnë votën”, ka shtuar Basha.

/ Top Channel
 
Titulli: Basha: Reforma në arsimin e lartë, goditje fatale universiteteve

Po behet nje corbe me arsimin ne shqiperi qe ska specialist qe e mer vesh
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top