TIRANث- Pranvera e Fraknofonisë, tashmë një traditë në Shqipëri, çelet sot për 10 ditë me radhë.
Festimet rreth gjuhës dhe kulturës franceze do të nisin nga Tirana dhe do të shtrihen në tetë qytete të tjera shqiptare si: Korçë, Elbasan, Shkodër, Berat, Sarandë, Përmet, Librazhd dhe Pogradec. Manifestime të shumta do të mbahen nën drejtimin e mësuesve të gjuhës frënge, por do të prezantohen veprimtari të shumta edhe nga vende të tjera anëtare të Organizatës Ndërkombëtare të Frankofonisë.
Aktivitetet do të hapen në Tiranë me përurimin e një ekspozite me tregime vizatimore në qendrën TEN, në rrugën “Myslym Shyri” në datën 17 mars ora 11.00, në prani të ilustruesit francez Kek, i cili do të organizojë atelje në bashkëpunim me shkolla të ndryshme të Tiranës.
Sot në mbremjem në orën 20.30, në sallën “Black Box” të Universitetit të Arteve, grupi Nevchehirlian do t'a shpjerë publikun drejt një universi muzikor, që shtrihet nga muzika rock në këngën klasike franceze, te folklori mesdhetar.
(el.me/BalkanWeb)