eGo0sTyle
System Engineer
TIRANث- Kreu i prezencës së OSBE-së në vendin tonë, ambasadori Eugen Wollfarth ka shprehur sot shqetësim për procesin gjyqësor për tragjedinë e Gërdecit, ku 26 persona humbën jetën, 300 të tjerë u gjymtuan dhe u shkatërruan qindra banesa.
Sipas ambasadorit, OSBE po ndjek me shqetësim situatën e krijuar me procesin gjyqësor për këtë cështje.
Ai ka pranuar se procesi nuk po zhvillohet në përputhje të plotë me parimet, ndërkohë që e ka quajtur abuzim mungesën e avokatëve. “Jam i shqetësuar se ky proces nuk po zhvillohet në përputhje të plotë me parimet e gjykimit të drejtë, të mishëruara në Kushtetutë dhe në ligjet e tjera përkatëse të vendit. Ndërsa të pandehurit gëzojnë të drejtën themelore të mbrojtjes ligjore, mosparaqitja e përsëritur e avokatëve mbrojtës nëpër seanca përbën një abuzim të cdo sistemi drejtësie”, ka deklaruar Wollfarth.
Ai ka bere thirrje autoriteteve perkatese te garantojne shqyrtim te drejte dhe permbyllje te procesit ne respekt te ligjit.
“Unë u bëj thirrje urgjentisht të gjitha autoriteteve përkatëse të drejtësisë që të ndërmarrin të gjitha përpjekjet e mundshme, brenda kuadrit ligjor, për të garantuar përmbylljen e shqyrtimit të drejtë dhe publik të kësaj çështjeje brenda një periudhe të arsyeshme kohore”- tha ai.
Kjo cështje gjyqësor në fakt është shndërruar pa frikë në një telenovelë të gjatë, ky seancët për një apo tjetër problem shtyhen në vazhdimësi.